Napparsimasut ikiorneqarnissamik periarfissaginnerulersimapput

Fatuma Ali Dronning Ingridip Napparsimmaviani tarnip nakorsaatut ukiuni arfineq-pingasuni sulereerluni allartussanngortoq, kingumut qiviarnermini tarnimikkut napparsimasut katsorsarneqartarnerat periarfissagissaarnerulersimanerarpai:

- Tarnimikkut nappaatillit katsorsarneqartarnerat, Kalaallit Nunaanni ineriartorsimavoq. Sinerissami katsorsaanerit maanilu Nuummi napparsimasunik katsorsaanerit pitsanngorsimapput, tassalu napparsimasut napparsimmavimmut unitsinngikkaluarlugit katsorsaanerit annertusillutik. Taakku saniatigut, ukiuni kingullerni sulissutigaarput, inuusuttut tarnimikkut napparsimasut sullinneqartarnerisa annertusaaviginerat, taamaalillutik pitsaanerusumik sullinneqarnissaat anguniarlugu, Fatuma Ali oqarpoq.

Fatuma Alip aamma oqaluttuaraa, Danmarkimi matoqqasumik katsorsaasarneq, ukiorpassuarni Vordingborgimiissimasoq, Riskovimut nuunneratigut sullissineq pitsanngoriarsimasoq.

Fatuma Alip siunissaq qaamasumik takorloornerarpaa:

- Tarnimikkut napparsimasut katsorneqartarnerat isumalluarfigaara. Sinerissami maanilu Nuummi sullissisut eqeersimaartut pikkorissullu amerlaqaat, taamaattumik sullissineq pitsanngoriartuinnassasoq takorloorpara, Fatuma Ali oqarpoq.

Fatuma Alip nunatsinni tarnimikkut napparsimasunik sullissinini tamaanga killeqartinngilaa. Qaammatit pingasut allortarlugit, qaammat ataaseq sinerissami angalaarluni tarnimikkut napparsimasunik sullississagami.

Fatuma Ali Dronning Ingridip Napparsimmaviani tarnip nakorsaatut ukiuni arfineq pingasuni sulisimavoq, taakkunannga ukiut kingulliit sisamat pisortatut atorfeqarsimalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat