Nakkutilliinermi pisortaq: Napparsimasoqarnera sulisussaaleqinerlu nalunaarusiap kinguaattoorutigineranut pissutaasut

Kommuneqarfik Sermersuumi isumaginninnikkut sullissineq pillugu nalunaarusiap Namminersorlutik Oqartussat Nakkutilliinermut ingerlatsivianit saqqummersinneqarnissaata ukiumik ataatsimik sivisussuseqarnera ilaatigut napparsimasoqarneranik sulisussaaleqinermik nalunaarusiallu nutserneqartussaaneranik pissuteqarpoq.
Assi © : Kommuneqarfik Sermersooq
Allattoq Helle Nørrelund Sørensen
januaarip 15-at 2019 06:34
Nutserisoq Simon Uldum

Isumaginninnermut Inatsisinillu atuutitsinermut naalakkersuisoqarfimmi nakkutilliinermi pisortaq, Helga Rask Jensen, KNR-imut taama ilisimatitsivoq.

Namminersorlutik Oqartussat Nakkutilliinermut ingerlatsiviata Kommuneqarfik Sermersuup inunnik isumaginnittoqarfiani suliani annertuumik amigaateqarneranik paasisaqarnera KNR-ip sapaatit akunnerata siuliani oqaluttuaraa.

AAMMA ATUARUK Pitsanngoriaateqarpoq – isumaginninnerulli iluani kukkuluttornerit suli amerlapput

Sermersuumi meeqqanut ilaqutariinnullu pisortap, Martha Lund Olsenip, isornartorsiuisoqarneranut qisuariaateqarluni erseqqissaatigaa, ukiup ataatsip matuma siorna nakkutilliiartortoqarneraniilli arlalitsigut pitsannguuteqartoq.

Nakkutilliinermit nalunaarusiaq

Namminersorlutik Oqartussat Nakkutilliinermut ingerlatsiviata Kommuneqarfik Sermersuumi isumaginninnikkut sullissineq pillugu nakkutilliinermit nalunaarusiaa ataani ingerlaqqiffissat atorlugit atuarneqarsinnaavoq:



Nakkutilliinermit nalunaarusiaq, danskisut

(kalaallisut danskisullu)

Pitsannguutillu taakku nakkutilliinermit nalunaarusiami eqqaaneqanngillat, naak kingorna nakkutilliiartoqqinnissamut piffissaqarluaraluartoq, pisortaq taama isumaqarpoq.

AAMMA ATUARUK Isumaginninninnermi nakkutilliisoqareerneratigut pitsanngorsaateqangaatsiarpoq

Nakkutilliineq kingulleq 2018-imi februaarip 20-ani pivoq, nalunaarusiamilu immikkoortoq ataaseq kingorna erseqqissarneqarluni, nakkutilliinermi pisortaq KNR-imut oqarpoq, nangillunilu:

- Nalunaarusiaq annertooq isumaliutigisassanik amerlasuunik pisariaqartitsiffiusoq pineqarpoq, aamma atorfimmik inuttaaruttoqarnera napparsimasoqarneralu pissutigalugit suliarineqarnera sivisuneruvoq.

Nalunaarusiarli misissugassatut Kommuneqarfik Sermersuumut 2018-imi juulip 19-iani tunniunneqarpoq. Kommunilli tusarniaanermi akissummini pitsanngorsaatinik, nakkutilliiartortut inaarutaasumik nalunaarusiornerminni arajutsimasaannik tikkuagaqanngilaq.

AAMMA ATUARUK Sermersuup inunnik isumaginnittoqarfiani attaveqaqatigiinneq pitsaanngilaq

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq