ASSIT Nanortalimmi Paamiunilu aamma AWG-arartoqarpoq
Nanortalimmi tallimanngornermi noqqoruutsitsisoqarpoq, naatsiiaaserluni oqilaniutsitsisoqarlunilu arsaattoqarluni. Paamiunilu aqaguani inuit pinnguaataannik unammisitsisoqarpoq.
- Arctic Winter Games tapersersorparput. Naak unammiuaarnerit Nuummi ingerlanneqartussaagaluartut, aaqqissuussaq immikkuullarillunilu angisuup maani illoqarfitsinni aamma malunnartinniarlutigu aalajagerpugut, Nanortalimmi pisiniarfimmi pisortaq Zasca Eriksen oqarpoq. Paamiuni pisiniarfiup pisortaa Anna Jette Poulsen isumaqataavoq.
Aamma atuaruk Narsami AWG
Brugsenip niuertarfiini qaammatini kingullerni pisiniartartunut ilaasortanullu annikitsunik aaqqissuussinikkut Arctic Winter Games malunnartinniarneqarsimavoq. Nuummilu unammiuartunut ikiuullutik kajumissutsimik sulisorpassuarnut akuullutik Nunap sinnerani Brugsenip pisiniarfiini sulisut arlallit tikissapput.
- Tulluusimaarutigaara Nanoq sponsoritut suliassamut taamak akimatigisumut kivitseqataasinnaagatta. Pisortat suliffeqarfiutaat namminersortullu ataatsimoorlutik Arctic Winter Games-ip iluatsilluarnissaanut suleqatigiipput –innuttaasut soorunami suleqatigalugit, Kalaallit Nunaanni Brugsenimi pisortaq Susanne Christensen oqarpoq.
Aamma atuaruk Brugseni 100.000 koruuninik pinnattaassaqartitsilluni atuaqatigiinnut unammisitsilersoq
Brugseni aningaasanik tapersersortitut, tassa Nanoq sponsoritut, 1 millionit koruunit missaanik tapiivoq.
Arctic Winter Games sapaatiuppat ammaanersiorneqassaaq. Nuummiuunngikkuit, aammalu billetsimik iluatsitsisimanngikkuit KNR radiokkut tv-kullu ullup-qeqqaniit malinnaasinnaavutit.