Nanortalimmi meeqqat ulluinnarni inuunerat atuakkami nutaami oqaluttuarineqartoq
Atuakkamik assinillu illoqarfimmit meeqqanillu imalimmik nuannerluinnartumik nassarput.
Peqatigiiffik Kalaallit Meerartaat Mellemfolkeligt Samvirke / ActionAid Denmarkilu peqatigalugit aasami tammaarsimaarneq 'Camp Nuan' 2016-ip aasaanerani piumassutsiminnik sulisut nunanit arlalinneersut 20-it Nanortalimmut aallartippaat Nanortalimmi meeqqat immikkooruteqarluinnartunik aasami misigisaqartinniarlugit.
Peqatigiiffik Kalaallit Meerartaat Nanortalimmut uterunik atuagaq “Vores Minder” nassassavaat.
Atuagaq Camp Nuan pillugu assilianik oqaluttuarpoq, Nanortalimmilu meeqqat inuuneri oqaluttuaralugit.
Atuagaq 450-inngorlugit saqqummissaaq, illoqarfiullu meerartaanut tunniussuunneqassalluni.
Aamma atuaruk Camp Nuan: Puigunaatsumik misigisaqarfik
“The Future belongs to us”-imit atuagaq suliarineqarpoq, meeqqanillu Camp Nuannimeersunik assiliinermi suleqatigiisitsinernik assiliivinnik atuillutik suliaqarsimallutik.
“The Future belongs to us”-imit atuagaq suliarineqarpoq meeqqanillu Camp Nuannimeersunik assiliinermi suleqatigiisitsinernik suliaqarsimallutik assiliivinnik atuillutik.
Atuagaq tammaarsimaarnermut peqataasunut, assiliinermigut namminneq suliarisimasaminnik, eqqaassutissatut suliarineqarpoq.
Atuakkap saniatigut illoqarfiup atuarfiani assinik saqqummersitsisoqassaaq Peqatigiiffik Kalaallit Meerartaat assit 40-it sinnerlugit saqqummersissammagit. Assit Nicola Abrahamimit piumassutsiminik sulisumit assilineqarsimapput.
Assit saqqummersitsinermi pisiarineqarsinnaapput. Pisumi atuagaq meeqqanut 18-iliineqanngitsunut akeqanngitsumik tunniussorneqassaaq.
Saqqummersitsinermut sisamanngornermi novembarip 17-iani nal. 16.00 - 18.00 Nanortallip Atuarfiani ammarneqassaaq. Kaagi, kaffi, tii saftevandilu sassaalliutigineqassapput.
