Camp Nuan: Puigunaatsumik misigisaqarfik
![](/sites/default/files/styles/image_934x467/public/article_images/campnuan.jpg?itok=t5U57aCh)
Nammineq kajumissutsiminnik sulisut nunanit arfineq-marlunneersut Camp Nuanimik aaqqissueqataapput, sammisassaqartitsinerillu Nanortallip atuarfiani ippassaq sisamanngornermi aallartillutik.
- Illoqarfiup meerartaasa inuusuttortaasalu 450-it akornanni amerlasuut takkunnissaat neriuutigaarput. Namminermi kajumissutsiminnik sulisut meeqqat inuusuttullu angajoqqaavilu naapissallugit qilanaarput, pinnguartoqarlunilu, nipilersortoqarlunilu timersuutinik assigiinngitsunik sammisassaqartitsisoqassaaq, Peqatigiffik Kalaallit Meerartaanni suliniutinik aqutsisoq Gunver Justesen oqarpoq.
Nammineq kajumissutsiminnik sulisut katillugit 17-it, Canadameersut, Tyrkiameersut, Frankrigimeersut, Canadameersullu, soorunamilu aamma Kalaallit Nunaanneersut Danmarkimeersullu peqataassapput, Kommune Kujalliullu sammisassaqartitsinermut tapersersuilluarnera Gunver Justesenip nuannaarutigaa:
- Kommuni oqaloqatigilluarparput, Nanortalimmiuaqqallu aasamik puigunaatsumik misigisaqartinneqarnissaat qilanaaraarput, Justesen oqarpoq.
Camp Nuan aggustip ulluisa sisamaata tungaanut ingerlassalluni.