Nanoq Beer peqqusersusaarluni royaltymik akiliisimanngilaq
Nanoq Beer pisortanit akuersissummik tunineqareerluni imermik nunatsinneersumik Walesimut nassiussuisimavoq, tassanilu suliffeqarfik immiortitsisimalluni. Tassungalu atatillugu suliffeqarfik royaltymik akiliisussaasimavoq, tamannali suliffeqarfiup puigorsimagaa Kirkegaardip akissuteqaataani atuarneqarsinnaavoq. Nanoq Beer peqqusersusaarluni royaltymik akiliinngitsoorneratigut 24.000 kr.-it nunatta karsiata annaavai.
Nanoq Beerimit paasissutissiissutigineqarsimavoq Danmarkimut imermik nassiussiniarlutik, imerli Walesimut nassiunneqarsimavoq. Kirkegaadili naapertorlugu inatsisit malillugit taamaaliortoqarsinnaatitaavoq. Erngup avammut nioqqutigisassap sumut nassiunneqarnissaanik paasissutissiisussaatitaasoqanngilaq, taamaammat tamatumunnga tunngatillugu ajortumik eqqunngitsumik iliortoqarsimanngilaq.