Nanook videomik nutaamik saqqummersitsisut

Nanookkikkut nipilersugaat Arnuaq nipilersoqatigiit nuusiaanni maajip aallaqqaataani saqqummertussami ilaavoq. Nipilersugarlu suleqatigiinnermut tunngassuteqarpoq.

- Amerlanerit suleqatigiinneq nalusaramikku, imminnullu akerariilertarlutik. Taannartaa ulluinnarni aliasuutigilaartaratsigu, taamaattumik taalliarisimavarput, Christian Elsner taama oqarpoq.

AAMMA ATUARUK Nipilersoqatigiit Nanook nersornaasigassatut innersuussutigineqartut

Video Uummannami ulluni pingasuni immiussaavoq, nipilersoqatigiit meeqqat ulloq unnuarlu paaqqinnittarfianni qanittukkut pulaariartorneranni.

Tassanilu suleqatigiinneq sammineqarpoq.

- Suleqatigiikkaanni tamarmik ajunnginnerusumik ingerlasinnaasut takutinniarlugu, Christian Elsner oqarpoq.,

Allaaserisaq videop ataani nangippoq

AAMMA ATUARUK Nanook Japanimut angalasoq

Nukappiaraq qimussinik sukkaniuukkiartunnginnermini aarnuamik nipilersoqatigiit erinarsortartuannit, Frederik Elsnerimit, tunineqartoq, videomi takuneqarsinnaavoq. Suleqatigiinnerlu videomik immiussinermi pingaaruteqaleriasaarpoq.

- Frederiup iluliaq qanippallaaramiuk. Illuarangasup iluanut alakkaaniarluni iluliaq qanippallaarlugu nakkartoorpoq. Tupaqaaq ilami nilleqigami. Kisianni qujanartumik uanga qanittuaraagakku noqippara annaallugu, Christian Elsnerip nukkami ajoqusinnginnera nuannaarutigalugu taama oqarpoq, nangillunilu.

AAMMA ATUARUK Japanimiu Nanookikkunnik nuannarinningaartoq Nuummut tusarnaariartoq

AAMMA ATUARUK Nanookkikkormiut Nuup Mittarfiani 'Bandswap'-eqatigalugit