Nannut Ittoqqortoormiit illoqarfiannut pisartut amerlapput
- Toqqissisimananngilaq ingammik meeraqarluni, silagikkaluaraangalluunnit meeqqat aneersisinnaanngilagut, nannut silatitsinniittaramik eqqaralaannguatsinni, Mette Hammken Ittoqqortoormiormioq taama oqarpoq.
Piniarnermut nakkutiliisup tamanna aamma misigaa.
- Aasaarnerani aggustimi septemberimi aamma oktoberimi maanga illoqarfitsinnut qanilaartarnerat ingasalerput, tamannalu ukiuni kingullerni ajornartorsiutaanerat alliartuinnartutut misiginarpoq piniarnermut Nakkulliisoq Erling Madsen taama oqarpoq.
Innuttaasut ilaat imminnut illersorniarlutik immikkut illuinnartumik iliuuseqartariaqartarput.
Mette Hammeken taama oqarpoq.
- Uiga ullaaq aallaaserluni suliartorpoq, sila ajorami ersernerlullunilu, nannumik naapitseriataassagaluaruni illersuutissatut atugassamininik, Mette Hammeken oqarpoq.
Nannut qimaatinniarlugit silaannarmut eqqqartarneq iluaqutaasarsimanngilaq. Gumminik aqerluliat atorlugit nannut qimaatinneqartarnerat nunani allani misilittarneqarsimasoq iluatsittarsimavoq.
Aamma atuaruk Ittoqqortoormiini nannunik nakkutilliisarneq nangissaaq
- Ilaatigut ilungersunartarami ungoorinitsinni aallaasinnarmik qoortuuinnarmik silaannarmut eqqartaratta, tamanna nannut sungiutiinnartarpaat, uteqqittarlutillu.
Nunani allani soorlu Canadami aamma Svalbardimi misililttakkat takutippaat, gummikugler atorlugit nannut aallaaneqaraangamik qimaasartut. Maanna Nunarsusaq tamakkerlugu pinngortitaq pillugu suliniaqatigiiffiup misissorpaa, gummikugle Illoqqortoormiuni atorneqarsinnaanerat pillugu tikisitsiniarlutik. Pifissamilu qanittumi gummikuglet tikisinneqarnissaat naatsorsuutigineqartoq, Erling Madsen oqarpoq.
Aamma atuaruk Nannut pillugit ilisimasat nutaat
Nannut Ittoqqortoormiit eqqaani nakkutigineqartarnerat nunarsusaq tamakkerlugu pinngortitaq pillugu suliniaqatigiiffiup WWFip aningaasallersugaanik aggutsip septemberillu qaammataani ingerlanneqarpoq. Nannut amerlavallaarnerat pissutigalugu nakkutilliineq oktoberip qaammaataani aamma pisussanngorpoq.
Nannut piniagaajunnaarfiissa nalaanni illoqarfimmut qininngooratarput.
- Piniartut qimmeqarput, taakkualu nerisassaat nannut naamallugit illoqarfimmukartarput,
Nannut piniagaajunnaarfiisa nalaanni aallaaneqarsinnaanngillat tamannalu innutaasunut toqqissisimannanngilaq.
- Toquqqusaannginnerat pillugu illoqarfimmut pisartut, ilungersunarpoq tamaannera, ersiortinneqaannaavilluni naaliutsinneqaannaavilluni, Mette Hammeken oqarpoq.
