Nannut pillugit ilisimasat nutaat

Nannut 2050-imi Issittup avannaarsuaniinnaq uumasuunissaat siulittuutigineqarpoq.
Allattoq Marianne Stenbæk, Montreal, Canada, Simon Uldum
januaarip 28-at 2014 03:29

George Durner Alaskap ilaani Anchoragemi USA-p ujarassiuutut misissuisoqarfianeersoq nannut pillugit paasissutissanik hundredelinnik, qaammataasat atorlugit katersorneqarsimasunik, misissuisimavoq. Paasissutissallu nannut sumiikkusunnerusuttarnerinik aammalu sumi ukeerusuttarnerinik takutitsipput. Paasissutissallu taakku silap pissusaata allanngoriartorneranut paasissutissanut assigiinngitsunut assersuussimavai.

Inerneralu tassaavoq nannut ullumikkut uumaffigisatik ukiuni tullerni qimassimassagaat, sikup nungukkiartornera imaluunniit allannguuteqarsimanera pissutigalugu. 2050-imilu Kalaallit Nunaata Canadallu avannarpasinnerusortaaniinnaq nannut nassaassaalersimassapput.

Misissuinermi angusat qaammat kingulleq geofysikki pillugu Californiami ukiumoortumik ataatsimeersuartoqarnera saqqummiunneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq