Namminersorlutik Oqartussat: NunaOilimi aningaasartuutit qaffasissorujussuit
NunaOilip innuttaasut akileraarutitigut akiliutaannit aningaasalersugaanera tusagassiorfinnut nalunaaruteqarluni erseqqissaatigaa.
AAMMA ATUARUK NunaOilip siulittaasorisimasaa: Uuliamut politikki imminut assortorfiusoq
Ingerlatseqatigiiffimmut 2018-imit ukiumut 10 millioninik koruuninik tapiisoqartalernissaa 2017-imut siuartinneqarnissaa Nunaoil A/S-imit qanittukkut noqqaassutigineqarpoq, tamannalu tunngavigalugu ingerlatseqatigiiffimmi aningaasartuutit suuneri Namminersorlutik Oqartussat misissuiffigisimavaat saaffiginnissutip qisuariarfiginnginnerani allanik periarfissaqarnersoq paasiniarlugu, Rasmus Pedersen taama allappoq.
AAMMA ATUARUK Nunaoil qaammaterpassuarni susinnaajunnaarsinnaasoq
Taannalu naapertorlugu, misissuinerup takutippaa aningaasartuutit qaffasissorujussuusut, ingammik aningaasarsianut aningaasartuutit ingerlateqatigiiffinnut Namminersorlutik Oqartussanit pigineqartunut allanut sanilliullugit marloriaatingajammik qaffasinnerullutik.
Taamaammat ukiumut 10 millionit koruuninik taperneqartalernissamik kissaatip Naalakkersuisunit Inatsisartunillu aalajangiiffigisassanngortinnginnerani siulersuisut piumaffigineqarput aningaasartuutit qaffasinnerujussuat qanoq iliorluni appartinnissaannut siunnersuuteqaqqullugit.
AAMMA ATUARUK IA: NunaOilimi pisut ernumanartortaqarput
- Piumasaqaateqarneq ajoraluartumik siulersuisut tunuarnerannik kinguneqarpoq, tunngavilersuutigineqarluni Namminersorlutik Oqartussat piffissaanngitsukkut akuleruttut. Tamassuma kingunerisaanik siulersuisunik nutaanik toqqaanissaq siunertaralugu immikkut ittumik ataatsimeersuartoqartussanngorpoq.
AAMMA ATUARUK NunaOilip siulersuisui ingerlaannaq atuutilersumik tunuartut
