Nunaoil qaammaterpassuarni susinnaajunnaarsinnaasoq
Nunatsinni uuliasiornermik ingerlatseqatigiiffik Nunaoil maanna qajannartumik sukannersumik ingerlaneqalerpoq, siulersuisuunerni ilaasortat tamangajammik ataaseq minillugu siulersuisuunerni siulittaasoq peqatigalugu tunuarmata.
Maannakkulli Namminersorlutik oqartussani ingerlatseqatigiiffiit allattoqarfianni paatsveerusimaartoqarpoq, pisup assinganik misigisaqarnikuunnginnamik: Tassa qinersinerup nalaani namminersorlutik oqartussat ataanni ingerlatseqatigiiffimmi siulersuisuunerit ataatsikkut tunuarnerat- piffissami aatsitassanut naalakkersuisup tunuareersorli.
Nunaoil namminersorlutik oqartussat ataani tamakkiisumik pigineqarpoq, siulersuisuunernillu ilaasortanik siulittaasumillu taasisarneq aamma oqartussaaffigineqarluni. Maannakkulli paatsiveeruffiuvoq, nunarput nalorninartumi inissisimatillug Naalakkersuisuuugallartut imaluunniit qinersereernerup kingorna Naalakkersuisusunngorumaartussat siulersuisuunernik qinersissanersut.
- Maanna suliaq misissorparput. Pisup assinganik misigisaqanngisaannarnikuuvugut. Taamaattumik pisoq qanoq suliareriassanerlugu maanna paasiniarlutigu, Rasmus Pedersen Ingerlatseqatigiiffiit allattoqarfianni immikkoortortami pisortaq, KNR-mut taama oqarpoq.