Naluttarfik Malik ukioq ataaseq matoqqassasoq

Annertuumik nutarterinissamut 30 millionit koruunit immikkoortinneqarput. Tamanna pissutigalugu naluttarfimmik atuisartut nalunnermi isarussaminnik ukiumi ataatsimi uninngatitsisariaqarput.
Naluttarfiup Maliup nutarterneqarnissaa nalukkiartartunullu ukioq ataaseq tikillugu matoqqanissaa pissutigalugu atorluarneqassaaq.
Allattoq Anders Rytoft
novembarip 21-at 2023 15:29

Naluttarfik Malik 2003-mi atulersinneqarmalli nalukkianit atorluarneqarsimavoq – tamannalu takussutissaqarpoq.

Taamaammat Kommuneqarfik Sermersuumi kommunalbestyrelsip naluttarfiup 30 millionit koruuninut nutarterneqangaatsiarnissaa aalajangerpaat. Tamanna politikerit ullumi akuersissutigaat.

Tamanna pissutigalugu naluttarfik sanasunut inissaqartitsinissaq pissutigalugu matoqqasariaqarpoq.

Ullua ilisimaneqanngitsoq

Naluttarfiup illutaa tamarmi nungullarlunilu aserortilersimavoq, sanaartornissamullu pilersaarummut nassuiaaneq naapertorlugu sannaani arlalinnik ussiisoqarpoq. Tamatuma saniatigut silaannarissarfimmik nutaamik pilersitsisoqassaaq naluttarfittaatalu naqqani folia taarserneqassasoq allassimavoq.

Suliaq sivisussaaq, Kommuneqarfik Sermersoorlu naapertorlugu nutarterineq qaammatinik qulinit aqqaneq-marlunut sivissuseqassaaq. Kikkut suliaqartuussanersut suli inissinneqanngilaq. Naluttarfiup qaqugu matuneqarnissaa aamma suli ilisimaneqanngilaq.

Ataaserli qularnanngilaq: Tamanna aalajangersimasumik naluttartunut eqquingaatsiassaaq.

Aamma atuaruk

Nukingisaarisoqaalukkarluartoq Inatsisartut inunnik taasisitsinianngikkallartut

Ritzau

Hong Kongimi ilungersuutillit 14-it nunap aaqqissuussaaneranik akerliliiniartutut pisuutinneqartut

Immikkut ilisimasalik: Ilulissani mittarfissualiornerup kinguaattoornera takornarialerisut iluaqutigisinnaavaat