Aalakoortut sisamat isertitsivimmi unnuisut
![](/sites/default/files/styles/image_934x467/public/2023-11/7V9A0247.jpg?itok=_XRnXYRA)
Ataasinngorneq tallimanngornertulli ippoq.
Kalaallit Nunaanni Politiit aalakoortut nunatta avannaani sumiiffinni assigiinngitsuni isertitsiviliaanneqarfiat, ataasinngornerup unnua marlunngornerullu unnuaa pillugu oqarput.
- Inuit taakku pissuserissaanngillat, imminullu isumagisinnaanatik, pigaartut pisortaat, Anette Ostenfeldt KNR-imut oqarpoq.
- Ataasinngornermi taama pisoqarnera nalinginnaanngilaq. Naluarput sooq taamaattoqarnersoq eqqumiilaarpoq. Nalinginnaasuunngilaq, taanna oqarpoq.
Inuit taakku sisamat nunatta avannaani sumiiffinni assigiinngitsuni tigusarineqarput: Siulleq nalunaaqutaq unnukkut aqqarnernut Ilulissani politeeqarfiliaanneqarpoq, kingunitsianngua Aasianni aamma taama, kingornalu Qasigiannguani Uummannamilu.
Isertitsiviliaanneqartut tamarmik iperagaaqqipput.