Nalornileriartorneq: Juullip Inua Nuummut juulliaqqami missunneqassava?

Tusatsiagaq Nuummi oqallisaalaavippoq. Juullimmi Inuata Dronning Ingridip Napparsimmavissuata silataani decembarip ulluisa 24-anni missunneqarsinnaanngerataannaanera ernummatigineqarpoq.

Tamanna napparsimmaviup eqqaani sanaartortoqarnera pissutigalugu nalornileriartuutaasoq, Air Greenland allappoq. Air Greenland Juullip Inuata Nuummut isumannaatsumik missunneqarnissaanik ukiorpassuarni qularnaarisartuuvoq.

Air Greenland KNR-imut ima aamma allappoq:

- Sanaartortoqarmat Peqqinnissaqarfillu tamatuma qanoq aaqqinnissaa pillugu attaveqatigiippugut.

Tamanna qanoq aaqqinniarneraat ilisimaneqanngilaq. Juulliararnissaanut ullut aqqaneq-marluinnanngorput, tamatumali aaqqinnissaanik Peqqinnissaqarfillu qanoq suleqatigiitsiginerminnik Air Greenland suli tassa nalunaanngilaq.

Aaqqiijumaarlutilli, KNR-imut aamma allappoq.

- Ileqquusormi pisinnaaqqullugu tamanna aaqqinniarsaraarput.