Aasiaat eqqaanni uuliakoortoqartoq
Umiarsuup kisaata kalunneri Akunnaami kittorarput, umiarsuarlu sapaammi ualikkut nalunaaqutaq marlunut tanneq arfineq-pingasut saavippoq.
Kalaallit Nunaanni Politiit pigaartuisa pisortaat Jeppe Andsager ataasinngornermi ullaakkut taama oqarpoq.
Umiarsuup saavinnerani kujaava putusoorpoq uuliakoortoqalerlunilu.
- Qatserisartut sapaammi ullaakkut najuupput, uuliakoortoqarneratalu siammaatinnginnissaa pillugu puttaqusiisoqartoq, Kalaallit Nunaanni Politiit pigaartuisa pisortaat Jeppe Andsager ataasinngornermi ullaakkut oqarpoq.
Sila qaammarpat qatserisartut ajutoorfiup nalaanukarniartut pigaartut pisortaata oqaatigaa.
Paasissutissanik sukumiinerusunik pissarsiniaraanni qatserisartunut saaffiginnittoqarnissaa politiit pigaartuisa pisortaata oqaatigaa. Upalungaarsimanermut pisortap KNR-imut oqarnera naapertorlugu suliaq suli ingerlammat tamanna pillugu oqaaseqarsinnaanngikkallarpoq.
Taanna Kommune Qeqertaliup borgmesterianut Ane Hansenimut Kalaallit Nunaanni Politiinut innersuussivoq.
KNR-ip pisoq pillugu borgmesteri oqaaseqartinniarsaraa.
