Nalliuttorsiorneq: Ilisimatusarfimmi allagartartaarlutik soraarummeertut

Februaarip 28-anni 2025, Ilisimatusarfimmi ulloq nuannaarfiulluni tulluusimaarfiullunilu allagartartaartunut ilaqutaasunullu puigunaatsuuvoq.

Ulloq pingaartorsiorpalaartumik oqalugiaqattaarfiuvoq. Kiinnat qungujulasut, imminut assilinerpassuit ilinniakkamillu tunniusimanikuungaarlutik naammassinnittunut ersaartaassinerpassuit pipput.

- Soraarummeerlutik allagartartaartuutivut tamarmik ilinniakkaminnik naammassimmata pilluaqqungaarpavut, Ilisimatusarfik pilluaqqusivoq.

Ilisimatusarfimmi nalliuttorsiorpalaartumik qiimaneq najuuttunut tuniluuttoq qularnanngilaq. Tassami bachelorinngortut kandidatinngortullu, ilaqutaasullumi, nuannaaqaat. Allagartartaartut Ilisimatusarfik sinnerlugu silarsurmut appakaattussanngormata Ilisimatusarfiup tulluusimaarutigai takutitsilluarnissaannillu kissaallugit.

Ileqqoq pingaarutilik

Ileqquusoq malillugu allagartartaartut angusarissaarnerpaat akissarsitinneqarput.

Malik Foss Ingemann bachelorinngortuni angusarissaarnerpaatut KNI-mit akissarsitinneqarpoq,  Elin Neshamar kandidatinngortuni angusarissaarnerpaatut Sulisitsisunit akissarsitinneqarluni.

Bacheloreinnortut:

· Inuussutissarsiornermi aningaasaqarnermut ilisimatusarneq: bachelori ataaseq

· Tusagassiorneq: bachelori ataaseq

· Inatsisilerineq: bachelorit marluk

· Inuiaat kulturiat oqaluttuarisaanerallu: bachelorit tallimat

· Ilinniartitsisut: bachelorit marluk

· Nutserineq oqaluttaanerlu: bachelorit sisamat

· Inuiaqatigiilerineq: bachelorit pingasut

· Isumaginninnermut siunnersortit: bachelorit arfineq marluk

· Oqaasilerineq, atuakkialerineq tusagassiuutilerinerlu: bachelorit pingasut

Kandidatinngortut

· Inuiaat kulturiat oqaluttuarisaanerallu: kandidatit marluk

· Inuiaqatigiilerineq: kandidatit pingasut

· Oqaasilerineq, atuakkialerineq tusagassiuutilerinerlu: kandidati marluk

Masteritut naammassisut:

· Tusagassiorneq: masterit pingasut

Allagartartaartut silarsuarmut appakaanneri malinnaaviginissai Ilisimatusarfiup qilanaarai.