Nalakkersuisoq Frankrigimeeqqammersoq: Pisoq alianarpoq
Frankrigip kingumut peqqarniisaarfigineqarnera nunarsuarmioqataasunit tupaallaatigineqaqaaq.
Takornariarfimmi ornigarneqarluartartumi Nicemi peqqarniisaarluni saassussisoqarmat inuit ikinnerpaamik 84-it toqutaapput.
Nunanut allanut tunngasunut naalakkersuisoq, Vittus Qujaukitsoq, Frankrigimeeqqammersoq eqqugaasunut misiginneqataavoq.
- Franskit inuiattut ullorsiorneranni pisoq alianarpoq uissuumminarlunilu.
- Siorna pinerliiniartoqarnerata kingorna franskit sillimaniarnerat malunnarpoq. Inuit katersuuffiini soorlu pisiniarfinni angisuuni politiit sakkutuullu takussaapput. Taamaammat ippassaq pisoq pisinnaanera tupannarpoq, Vittus Qujaukitsoq frankrigimeeqqammerluni Tysklandimiittoq KNR-imut oqarpoq.
Aamma atuaruk Kalaallit Frankrigimiittut ikiorneqarsinnaasut
Aamma atuaruk Inuit 84-it lastbiilinit aporneqarlutik Nicemi toqutaapput
