Kalaallit Frankrigimiittut ikiorneqarsinnaasut
Danskisut innuttaassusillit, kalaallit taakkununnga ilaallutik, Frankrigip kujataani Nicemi ippassaq unnukkut peqqarniisaarniartoqarnerani eqqorneqarsimanngitsut, Danmarkip nunanut allanut tunngasunut ministereqarfiata sullissiviata nalunaarutigaa, ajunaartut aqqunartitertullu akornanni kalaaleqanngitsoq ilisimatitsissutigineqartoq, Namminersorlutik Oqartussat aamma nalunaarutigaat.
Taamaattorli danskisut innuttaassusilinnik Nicemiittoqarnera qularutigineqanngitsoq ilanngullugu nalunaarutigineqarpoq, danskillu, taamalu nunatsinni innuttaasut, massakkut Nicemiittut kajumissaarneqarput franskit oqartussaasuisa innersuussutaat malissagaat, qanorlu innertik pillugit qanigisatik ilisimatillugit attavigissagaat aamma kajumissaarutigineqarpoq.
Danskit, kalaallit taakkununnga ilaallutik, Nicemiittut ikiorneqartariaqartut Danmarkip nunanut allanut tunngasunut ministereqarfiata sullissivianut attaveqaqquneqarput, sullissiviullu oqarasuaataasa normua tassaavoq +45 33 92 11 12.
Aamma atuaruk Inuit 84-it lastbiilinit aporneqarlutik Nicemi toqutaapput