Nakorsaaneq: Coronavirusi tuniluutiasoq nunatsinnut anngussimagunarpoq

Nunatta Nakorsaanera Henrik L. Hansen Qanoruumit apersorneqarluni taama oqarpoq:

- Coronavirusip allannguutaa Kalaallit Nunaannut anngussimasoq sorleq pineqarnersoq suli ilisimanngilarput. Naalagaaffiup Nappaatinut Akiuussutissaliorfia ippassaq attaveqarfigaara, misissuinertilli suli naammaassinngilaat, viruserli tunillaatiasoq matumani pineqartoq ilimanarpoq. Inuit pingasuinnaat tunillatsissimasunut qanittumiissimapput, tamarmillu tunillanneqarsimallutik. Uissuumminarpoq. Imaassinnaasoq nalaatsorneriinnaasoq, virusilli allannguutaa tuniluutiasoq uani pineqarunarpoq, nunatta nakorsaanera Henrik L. Hansen oqarpoq.

AAMMA ATUARUK Nuummi tuniluuttoqaqqilersoq: Tunillatsissimasut nutaat tallimat paasineqartut Nuummiillu aallartoqassanngitsoq

Coronavirusip tuniluutilertornera nalaatsorneriinnaasinnaasoq taassuma erseqqissaatigaa.

Nappaatilli Munck Gruppenimi sulisut najugaqarfianni tuniluunnerata takutippaa virusip allannguutaa tuniluutiasoq pineqartoq, taanna oqarpoq.

AAMMA ATUARUK Endnu en indlagt med coronavirus

Tunillatsissimasunik sapaatit-akunnerata massuma aallartisimalaarnerani nassaartoqarnerata kingorna nassaaqqittoqanngilaq. Inuit kaffillertuniissimasunut, apersortittoortoqarneranilu nereqatigiiinnermi peqataasunut qanittumiissimasut Nuummi coronavirusimut misissuisarfimmit misissorneqartuaarinnassapput.