Assi: Jonas Løvschall-Wedel

Coronavirusimik tunillanneqarsimasut aappaat napparsimmavimmut unittoq

Nuummi angut, 40-t missaannik ukiulik, coronavirusimik napparsimalluni Dronning Ingridip Napparsimmavissuanut ullumi pingasunngornermi unitsinneqarpoq. Nunatta Nakorsaaneqarfia taama nalunaaruteqarpoq.

Angut pineqartoq coronavirisumik tunillanneqarsimasutut sapaatit-akunnerata ataatsip matuma siornatigut paasineqarpoq. Katsorneqartariaqartutullu maanna nalilerneqarpoq, napparsimmavimmullu maanna unitsinneqarluni. Nakorsaaneqarfiulli KNR-imut oqaatigaa angut perulunngitsoq. Coronavirusimik tunillanneqarsimasut akornanni napparsimmavimmut unitsinneqartut taamaasillutik marlunngorput.

- Uninngasut iltilersorneqarnissaminnik pisariaqartitsipput, napparsimanertimmi pissutigalugu puaat pissusimasut atorneqarsinnaanngillat, Nunatta nakorsaanera Henrik L. Hansen KNR-imut oqarpoq.

Angut napparsimasoq mittarfiliortuni sulisuuvoq, nunattalu nakorsaaneqarfiata ilanngullugu nalunaarutigaa tunillanneqarsimasut sinneri napparsimanertik pissutigalugu katsorsarneqartariaqartutut nalilerneqanngitsut.

Napparsimasut akornanni unitsinneqartoq siulleq juunip ulluisa aqqarnanni unitsinneqarpoq, maannalu taanna pitsanngoriangaatsiarsimasoq nalunaarutigineqarpoq.

Isummersuutit

Nunatsinni coronavirusi pillugu
killiffik

Tunillatseqqasut 48  
Siullermik kapitissimasut 36.883  
Aappassaa kapitissimasut 26.845  
Misissorneqareersimasut 42.843  
Tunillanneqarsimasut 135  
Peqqisseqqittut 87  
Uninngasut 0  
Anersaartuuteqartitaasut 0  
Toqquteqartut 0  
nun.gl-imi titartaganngorlugit:
Kapitissimasut | Tunillatsissimasut
 
   Nutarterneqarpoq: 
Augustip 4-at 2021 nal. 15:10
 

Coronavirusimik tunillatsinissaq pinaveersaaruk