Nak og Ædimut nunatsinni immiussiartortut

Nunatsinni ukiuni hunnorujukkuutaani iliuuserisartagarput, kunngeqarfiup sinnerani ilinniarneqassaaq. Tassalu tuttumik pisaqariarluni nerisassiaralugu.

Nak og Ædimi inuttat marluk Nikolaj Kirk Jørgen Skouboelu Københavnimit Kangerlussuarmut timmisartortut KNR-imit naammattoorneqarput.

Nak og Ædimeersut nunatsinni aallakaatitassianut marlunnut immiussissapput. Tuttullu aallakaatitassiami ataatsimi sammineqassasut, aappaanilu uukkat sammineqassasut, Jørgen Skoubou oqarpoq.

Taassumalu kalaallisut oqaatsinik ataasiakkaanik ilinniarsimalluni oqaluttuaraa.

- Qassinngornersoq kalaallisut apeqqutigisinnaassallugu torrassasorisorujussuuava: "Qassinngorpa?". "Tassa", Nikolaji qatsutileraangakku. Ajortoqaraangallu: ajorpoq, Jørgen Skoubo oqarpoq.

Aallakaatitassiaq ataaseq Sermersuup eqqaani immiunneqassasoq, nunattalu pinngortitaani angalaarnissani qilanaaralugu taanna oqarpoq. Aamma oqaatsinik inussiarnerpalunnerusunik oqarnissaminut sungiusarsimavoq, taakkulu ulluni qulingiluani nunatsinniinnermini atorsinnaassavai.

- “Qujanaq, illillu”. Suli allanik oqarsinnaavunga, taakkualu sungiusarusaarpakka, Jørgen Skoubo oqarpoq.

Nak og Ædip inuttaata aappaa Nikolaj Kirk suliniaqatigiiffiup Inuit Silap Canadami puisip neqaanik nerisassiat pillugit ungasinngitsukkut isumasioqatigiisitsineranut atatillugu Canadamiippoq.

Aallakaatitassiat marluk DR2-kkut novembarimi ataasinngornerni kingullerni marlunni aallakaatinneqarnissaat pilersaarutaavoq.