Naartusoq angalasussaq Nanortalimmit sapaatini akunnerni marlunni aallarsinnaajunnaaqqasoq: Apuukkusukkaluarpunga
Johanne Kristiansen nunatsinnut apersugaliarnermini juunip naaneranit nunatsinnukarpoq, juulillu aappaani Danmarkimut ukiuni kingullerni qulingiluani najugaqarfigisaminut angerlaqqittussaagaluarluni, taannali ullut qulit qaangiuttut suli Nanortalimmiippoq.
- Ilungersunaqaaq, ullumi ullut qulinngorput aallartussaagaluarninniit. Ilaanni silagittaraluarpoq, kisianni helikopteri angalaneq ajorpoq. Soorlu ippassaq ulloq naallugu silagippoq, aamma helikoptereqanngilaq, taanna KNR-imut oqarpoq.
Johanne Kristiansen naartuvoq, erniffissaalu novembarimut killeqarluni. Taamaammat qasuersaaqqaarniassagami sulileqqinnissaminut sapaatip akunnera ataaseq sioqqullugu angerlareerniarluni aalajangersimavoq.
Taamali pisoqanngilaq. Nunattali kujataani aallassanerlugu ilisimanagu uteqattaaginnavippoq.
Taakku akunnittarfimmit ullaakkut qulinut anisarpoq, aamma naak aatsaat unnukkut nalunaaqutaq aqqanermut aallartussatut inissinneqarsimagaluarluni.
- Ullaakkut quliniit aneriarluta unnukkut aqqarngup tungaanut sussagatta sumiissagatta?
- Ilungersunaqaaq, annermik naartulluni anisitaasaqattaarnerit hoteliniit, taanna oqarpoq.
Angalasussat 2600-it saperngusut
Johanne Kristiansen silarlunnera pissutigalugu saperngusuni kisimiinngilaq. Nunarput tamakkerlugu ataasinngormamiit angalasussat 2600-it angalanissat taamaatsiinnarneqarneranit eqqugaaqqapput. Timmisartuussinissat 99-it taamaatiinarneqartariaqarsimasut Air Greenlandip sisamanngornermi paasissutissiissutigaa.
Timmisartut qangattarsinnaannginnerannut missinnaannginnerannullu pujornera pingaartumik pissutaavoq.
Air Greenlandimi piujuartitsinermut attaveqaqatigiinnermullu pisortap, Inga Dóra G. Markussenip sapaatip akunnerata tullianut torsaassallutik KNR-imut tallimanngornermi oqaatigaa.
Johanne Kristiansen naak tikikkuni sulileqqinnginnermini qasuerseqqaarnissaminut ulluleereersimagaluarluni sapaatip akunnerani sulinngitsooreerpoq.
- Nukillalaajummernaq, annermik una sapaatip-akunnera tamaat sulinani. Taava ullaaq paasiniaaninni (Air Greenland aaqq.) oqarput uanga nammineq umiatsiaaqqamik aqqutissarsiorsinnaasunga, kisianni naartugama taamaaliuinnarsinnaanngilanga, taanna oqarpoq.
- Apuukkusukkaluarpunga.
Johanne Kristiansen Narsarsuarmut maanna juulip 15-iani ataasinngornermi aallartussanngortinneqarpoq, taassumali qaqugu Danmarkimut ingerlaqqissinnaanissani naluaa.
