Naalakkersuisuusimasoq Inatsisartuni ilaasortanngulersoq
Aalisarnermut naalakkersuisuusimasup, Nikkulaat Jeremiassenip Laura Táunâjik Uitsatikitseq paarlallugu Siumumit Inatsisartunut ilaasortanngussaaq.
Tamanna Siumup KNR-imut uppernarsarpaa.
AAMMA ATUARUK Nikkulaat Jeremiassen Inatsisartunut ilaasortanngoqqissagunarpoq
Laura Táunâjik Uitsatikitsup ilaquttani najorneruniarlugit Inatsisartunit tunuarnissaminik aalajangerpoq.
Tamanna KNR-imit septembarip aallartinnerani apersorneqarnermini oqaatigaa.
- Nuunnikuugatta nunaqarfimmut Kuummiunut, tassanilu ilaatigut aamma atuarfimmi sulilerlunga taavalu nuunuutitaarnikuulluta aammalu suli nuunnutitaaqqilerluta. Taamaattumik nukissaqarfiginagit allatut ajornartumik allanik iperaasariaqarlunga, Laura Táunâjik Uitsatikitseq oqarpoq.
Nikkulaat Jeremiassenip Inatsisartuniilernissaa naatsorsuutaareerpoq, taannami kingullermik qinersisoqarnerani 140-nit taaguunneqarpoq.
Nikkulaat Jeremiassen Niaqornaarsummi najugaqarpoq.
