Sten Lund: Naalakkersuisut illuatungiliuttunit tatineqassasut

- Illuatungiliuttut amerlangaatsiarput. Aamma taakkua Inatsisartuni isumaqatiginninniarnerni arlaatigut siunniuteqaqataanissaat arlaatigut ilimanaateqartupilussuuvoq. Taamaalilluni taakkua aamma suliassarissavaat soqutigisamik arlaatigut tusarniarneqarnissaat, Sten Lund ilaatigut oqarpoq.

Unammillernarnissaali Kim Kielsenip ernumatigalugu unnuami eqqumassutigisanngilaa.

- Nalunngilarput illuatungiliukkaluartulluunniit suliassarpassuit suleqatigiissutigisinnaagigut, Kielsen naalakkersuisooqatigiit nutaat saqqummersinneranni oqarpoq.

AAMMA ATUARUK Suliffeqarnermi ilanngaat, mittarfiit soraarnerusutisialinnullu aningaasat amerlanerit

Ataasiinnarmimilli amerlanerussuteqarneq unammilligassaqartitsisinnaasoq, Sten Lund isumaqarpoq.

- Taakku partii sisamat unammilligassaqangaatsiassapput. Ataasiinnarmik amerlanerussuteqarlutik isumaqatigiissummut tunngasumik malinneqqissaarnissaq immaqa taanna pingaartittariaqassavaat.

Aammattaaq Sten Lundip Naalakkersuisooqatigiilersut iluanni partiit angissusaat nikingangaatsiarmata unammillernartoqalersinnaasoraa.

- Ukua partiit mikinerusut eqqarsaatigissagaanni, patajaatsumik isumaqatigiissuteqarsimanissaq, taakkununnga pingaaruteqarpoq, anguniakkatik akuutinniassagunikkit. Kisianni aamma Siumumut taanna pingaaruteqassaaq, qanoq niueruteqarsimanerit tassani paasissallugit, Sten Lund oqarpoq.

AAMMA ATUARUK Siulittaasut nuannaartut naalakkersuisooqatigiinnissamut atsiortut