Naalakkersuisut aatsitassarsiortitseqatigiinnut nikallortitsivoq
Naalakkersuisut tusagassiuutinut ippassaq sisamanngormat allapput.
Aatsitassarsiorfiup Tranbreez Miningip qinnuteqaqqinneranut pissutaavoq, siullermik pilersaarummi, aatsitassanik tonsit millionit affaannik annertutigisumik piiaanissamik qinnuteqarnertik allanngorlugu tonsinik millionit aappaata affaanik ukiumut piiaanissaminnik pilersaaruteqalerneri.
Aamma atuaruk Tanbreez Naalakkersuisunut isumaqatigiinniarpoq
Taama qinnuteqaqqinnerat misissuinernik nutaanik pilersitsissaaq, tassa avatangiisit pillugit misissuinerit aamma Kujataani innuttaasunut tamassuma qanoq sunniuteqarnissaa misissoqqinneqassallutik. Taamaammallu aammaarluni tusarniaanissaq tullinnguuttussaassalluni.
Tonsinik millionit affaanik piiaanissamik qinnuteqarnermi aatsitassarsioqatigiiffimmit piumasarineqartoq, tassalu sukumiisumik nalunaarusiornissaq, Oqartussanut tunniunneqareeraluarpoq, maannali tassa tonsinik millionit aappaata affaanik piiaanissamik pilersaaruteqalernermi nalunaarusiaq siulleq atorsinnaajunnaarsinneqarpoq.
Aamma atuaruk Naalakkersuisoqarfik Tanbreezimit akerlilerneqarpoq
Tamannalu aatsitassarsiorfissuup pisortaanit, Greg Barnesimit pakatsissutigineqarlunilu tupaallaatigineqarpoq.
- Qinnuteqaateqaqqinnissamik paasitinneqanngilagut tamannalu pakatsinarpoq, Barnes nittartakkamut sermitsiaq.ag-imut taama oqarpoq imalu nangilluni.
- Namminersorlutik Oqartussaq qaammatit marluk matuma siorna ataatsimeeqatigineranni suut aalajangiunneqarsimasnut tusartinneqanngilanga, tamannalu nutaarsiassalerisunit aatsaat tusarpara, Greg Barnes semitsiaq.ag-mut taama oqarpoq.
