Naalakkersuisoqarfik Tanbreezimit akerlilerneqarpoq
Aatsitassarsiorfiup Tanbreezip aatsitassaqarnermut naalakkersuisoqarfik qinnuteqaatinik arriippallaamik sullissisarnerarlugu isornartorsiuteqarnera Aatsitassanut naalakkersuisoqarfiup tusagassiuutinut nalunaaruteqarluni akissuteqarfigaa.
Tanbreez kiisami aatsitassarsiorsinnaalissagunarpoq
Taama isornartorsiuteqarneq aatsitassaqarnermut naalakkersuisoqarfimmit ilumuunnginnerarneqarpoq - qinnuteqaatip taama sivisutigisumik suliarineqartariaqarneranut Tanbreez nammineq pisuusoq oqaatigineqarpoq.
Pisortaqarfiup Tanbreez-imit isornartorsiorneqarnini eqqunnginnerarpaa
Suliffeqarfiup qinnuteqaateqarnermini siullermi avatangiisinut piumasaqatigineqartut naamassisinnaasimanngilai - atsitassanut inatsimmut naapertuuttumik.
Naalakkersuisut tugassiuutinut naluaarutaat tupigusuutigalugu atuarpara.
Qinnuteqaatip suliarineqarnerani allaaserineqartut ilisarisinnaanngilakka - immikkullu illuinnartutut isigaara isumaqatiginniarnerit suli ingerlanneqartillugit pisortat nammineq suliatik pillugit pisortatigoortumik saqqummiussimmata, Tanbreezimi ujarasiuut pisortaat Greg Barnes tusagassiuutinut nalunaruteqarluni taama allappoq.
Taassuma annertunerusumik oqallittoqarnissamut peqataaniarani oqarpoq taamaattorli aatsitassaqarnermut naalakkersuisoqarfimmik isumaqatiginiarnerup ingerlaannaarnissaa qilanaaralugu oqarluni.