Naalakkersuisut: Centerip nunarput qarasaasiatigut illersussavaa

Nunatsinni qarasaasiatigut kilitsissiatut isernerit saassussinerillu pinaveersaartinniarlugit Illersornissaqarfiup Isertortumik Misissueqqissaartartuisa ataani qarasaasiatigut isumannaallisaanermut sulliffivimmut atassuserneqarnissarput, Naalakkersuisut siunnersuutigaat.
Naalakkersuisut qarasaasiaqarfiat 2015-imi saassunneqarpoq, tamannalu sapaatit-akunneri marluk aaqqiiviginiarneqarpoq. Assi © : Flickr/ Ministerio TIC Colombia
januaarip 20-at 2020 16:22
Nutserisoq Connie Fontain

Sermitsiaq.AG taama allaaserisaqarpoq

- Center for Cybersikkerhedip internetikkut isumannaallisaaneranut ilanngunneq Kalaallit Nunaannut maannakkut pitsaanerpaamik illersuisuunerussasoq Naalakkersuisunit nalilerneqarpoq, Naalakkersuisut siunnersuummi paasissutissiisut nittartakkatigut tusagassiorfik allappoq.

AAMMA ATUARUK Nunarput internetti atorlugu kilitsissiaqarnermit aarlerinartorsiortoq

Nunarput Danmarkimi Center for Cybersikkerhedip ataani inatsimmi ilaatinneqassanngitsoq, Digitalimik Sullissinnermut Aqutsisoqarfiup pisortarigallagaata, Tony Ditlevsdalip siorna - 2019-imi februaarimi Sermitsiamut ilisimatitsissutigigaluarpaa.

Nunarput danskit killilersuineranni ilaatinneqassanngitsoq qarasaasiatigullu suleqatigiittoqassasoq taamani tunngavilersuutigineqarpoq. Tamannali maannakkut allanngorpoq.

AAMMA ATUARUK Namminersorlutik Oqartussat avataanit kilitsissianit tusarnaarneqannginnissaminnut isumannaannerulerniartut

Illersornissaqarfiup Isertortumik MIsissueqqissaartartuisa ”Isertortumik Misissueqqissaartartut 2019-imi aarlerinartunik naliliinermi” nalunaarusiaanni Issittoq, pingaartumik USA-p, Kinap Ruslandillu sumiiffimmut soqutiginninnerat pissutigalugu saassunneqarnissamut aarlerinarnerpaamiippoq.

Naalakkersuisut qarasaasiaqarfiat 2015-imi saassunneqarpoq, tamannalu sapaatit-akunneri marluk aaqqiiviginiarneqarpoq.

AAMMA ATUARUK Detektor: Kinamiut kilitsissiatut sulisinnaanerat Carla Sandsip mianersoqqussutigaa

Illersornissaqarfiup Isertortumik Misissueqqissaartartuili pissaanilissuit Danmarkimi malersuisuiniarlutik sunniuteqarsimanerannut takussutissarsinikuunngillat.