Naalakkersuisup akitsuusiisannginneq atorunnaarsinniaraa
Biilit hybridit tassa innaallagiatorlutillu benzinatunngikkunik dieselitortut allannguuteqarfiunerpaassapput.
Biilit hybridiusut maanna akitsuusersorneqaratilluunniit aqqusinermi atuinermi ukiup affaanut akitsuuteqanngillat. Taakkulu akitsuuteqannginnerat ukiup nutaap aallartinnissaanut atuuppoq.
Inatsisissatut siunnersuummi nutaami biilit taakku biilitulli nalinginnaasutut akitsuuteqalernissaat siunnersuutigineqartoq, aningaasaqarnermut naalakkersuisoq, Pele Broberg tusagassiuutinut allappoq.
- Hybridbilit akissaqarnerusunit atorneqartuupput, bilillu taaneqartut nuannaarniutitut bilitut isigineqarsinnaallutik, ilaatigut taakunannga pisiarineqarput Porsche, Mercedes, naalakkersuisunut ilaasortaq allappoq.
AAMMA ATUARUK Biilit eqqussuunneqartut ukiut tallimat qaffarujussuartut
Tassunga taarsiullugu biilit mikinerusut, qamuteralaat nunakkoorutillu sisamanik assakaasullik akikinnerulernissaat siunnersuutigineqarpoq.
Naalakkersuisunut ilaasortaq naapertorlugu biilit mikinerusut ilaqutariinnit akunnattumik isertitalinnik piumaneqarnerusut akitsuutaat 25.000 koruunimik annikillineqassaaq.
AAMMA ATUARUK Biilit 26-t akiligassaqarneq pissutigalugu nummerpladiiagaasut
Inatsisissatut siunnersuut naapertorlugu qamuteralaat nunakkoorutillu sisamanik assakaasullit eqqunneqarnerat akitsuuserneqartarunnaassaaq. Nunakkoorutinullu aqqusinermi angalanermut ukiumoortumik akitsuut peerneqassalluni.
- Snescooterit inuussutissarsiornermut atorneqartarput, minnerunngitsumik aalisartunit, annertusiartuinnartumillu takornarialerinermi atorneqariartuinnarlutik. ATV-t ulluinnarni sumiiffiit aqqusineqarpianngitsuni atorneqarluartarput, Pele Broberg allappoq.
Taamaammat inatsisissatut siunnersuut inuussutissarsiuteqarnermut siuarsaataassasoralugulu nunaqarfinni isorliunerusunilu atugassarititaasut nalinginnaasumik oqinnerulersissasoraat.
Biilit innaallagiaannartortut tassa motorimik ikummatitaqanngitsut eqqunneqarnerat akitsuuserneqassanngilaq. Aqqusinermillu atuinermi biilit allat assigalugit akitsuuteqalissallutik.
AAMMA ATUARUK Flere låner penge til biler
