Biileqalersut amerliartuinnartut

Naatsorsueqqissaartarfiup kisitsisaatai naapertorlugit biilit Kalaallit Nunaannut eqqussuunneqartut nalingi ukiut tallimat ingerlanerani 34 million koruuninik amerleriarput.

Biilinik tuniniaasartut oqaloqatiginerini taakkua oqarput, biilit avatangiisinut mingutsitsinngitsut innaallagissamillu atortoqarlutik ingerlasartut atorluarneqarput pisiarineqarnerusarlutillu. Tamanna aningaaserivimmi Grønlandsbankenimi aamma malugineqarpoq.

- Biilit nunatsinnut kingullertigut tikisinneqartartut pilerigineqarluartut tassaapput hybrid biilit mingutsitsinngitsut aamma akitsuummik vægtafgiftemik akitsuutitaqanngitsut, Aningaaserivimmi Grønlandsbankenimi atuisunik sullissiviimmi pisortap tullersortaa, Yvonne Kyed oqarpoq.

Aningaaserivimmi Grønlandsbankenimi biilinik mingutsitsinngitsunik pisinissamut taarsigassarsisoqarsinnaaavoq taarsigassarsinermi erniat annikinnerullutik.   Biilinik mingutsitsinngitsunik pisinissamut taarsigassarsineq ukiuni kingullerni marloriaatingajaanik amerleriarput.

AAMMA ATUARUK Grønlandsbankenimut ukioq iluanaarfiulluartoq

-  Biilinik hybridnetimik atuisunik pisiniarluni aningaaserivimmi Grønlandsbankenimi taarsigassarsisoqarnermi nalinginnaasumik biilinik pisiniarluni taarsigassarsinermit erniakinnerusunik taarsigassarsisoqarsinnaavoq, Yvonne Kyed oqarpoq. 

Aningaaserivimmi Grønlandsbankenimi atuisut 312-it biilinik mingutsitsinngitsunik pisinissamut 2016 taarsigassarsipput taakkua siorna 2017-imi 541-nut amerleriarlutik Yvonne Kyed oqaluttuarpoq soqutiginninnerlu annikilliartorani

- Biilinik pisiniarlutik taarsigassarsisartut tunngavilersuutigisarpaat, akitsuuteqannginneri, akitsuutit taakkua sipaarutigisinnaagamikkit, Yvonne Kyed oqaluttuarpoq.  Biilinik nalinginnaasumik pisinermi akitsuutit qaffasinnerupput akisunerullutik.  Hybridnetimik atuisunik biilinik pisinermi orsussaq sipaarutigineqarsinnaavoq aamma aningaaserivimmi taarsigassarsinermi erniakinnerusumik taarsigassarsisoqarsinnaammat, Aningaaserivimmi Grønlandsbankenimi atuisunik sullissiviimmi pisortap tullersortaa Yvonne Kyed oqarpoq.

AAMMA ATUARUK Grønlandsbanken aatsaat taama angusarissaartigissagunartoq