ILI ILI: Naalakkersuisunngortussaq suliassaqarfimmini ilimasaqartariaqarpoq
Naalakkersuisunngortussarmi ilinniartunut maligassiuisuusariaqartoq, ILI ILI tusagassiuutinut taama nalunaaruteqarluni allappoq.
Allattoq Inge S. Rasmussen
maajip 08-at 2018 05:58
Ilinniartitaanermut ilisimatusarnermullu naalakkersuisunngortussaq suli tusarliunneqanngilaq.
KNR-illu oqaluttuarereerpaa, Kim Kielsenip Inatsisartuni qinigaanerup misilinneqarnissaanut ataatsimiititaliaagallartup ataatsimiinnissaa utaqqimaaqqaarumagaa.
Ilinniartitaanermut naalakkersuisunngortussap suliassaqarfissamini "sakkussaqarluarlunilu akisussaaffimmik" kivitsisinnaasariaqartoq, ilinniartut kattuffiat ILI ILI isumaqarpoq.
Kattuffiup erseqqissaatigalugulu neriuutigaa naalakkersuisunngortussaq ilinniartunut maligassiuisussaammat naalakkersuisunngortussap ilisimasaqarluarnissaa pingaaruteqartoq.
Ataatsimiititaliaagallartup marlunngornermi ataatsimiinnissaa pilersaarutaavoq.
