Aningaasanut inatsit 2018 Naalagaaffimmit tapit 100 millioninik qaffattut
Ataatsimoortumillu tapiissutit Danmarkimi nunatsinnilu akit aningaasarsiallu ineriartornerinit siullermeertumik mangiartorneqassanngitsut, aappaagumut aningaasanut inatsisissatut siunnersuummut saqqummiunneqaqqammersumut nassuiaatini takuneqarsinaavoq.
Nunatsinnut ataatsimoortumik tapiissutit Danmarkimi akit aninngaasarsiallu qaffakkiartornerannut nalimmassarneqartarami, ukiut tamaasa qaffalaarneqartarput.
Danmakimilu aningaasarsiat pillugit ukioq manna isumaqatigiissutit aningaasarsiat pisarnermiit qaffannerunerannik kinguneqarmata, aappaagumut ataatsimoortumik tapiissutit tassa 100 millionit missaannik qaffanneqassapput.
AAMMA ATUARUK Naalakkersuisut aningaasaqarnermut politikkerissaarput - uagut politikkerput
Kisianni naak ataatsimoortumik tapiissutit ukiut tamaasa qaffalaartaraluartut, qaffaatit taakkua 2009-miilli assersuutigalugu atuarfinnut peqqinnissaqarfimmulluunniit nunatta toqqaannartumik atorsinnaasanngilai.
Tassami nunatsinnit akit aningaasarsiallu qaffakkiartorneri Danmarkimit taakkua qaffakkiartornerannit sukkanerusarsimapput, taamaanneratalu aningaasat takkua qaffaataagaluit mangiartorlugit naleerutsittarpai.
AAMMA ATUARUK Peqqinnissaqarfimmut amerlanerusunik aningaasaliisoqassasoq
Kisianni 2009-miilli 2018-imi siullerpaamik muminganik pisoqassaaq. Taamaammallu ataatsimoortumik tapiissutit qaffaataat 100 milliuunit koruunit missingersuutini malunnaateqassapput.
Taamali pineq ataasiartaannaassagunartoq, aningaasanut inatsisissatut siunnersuummut nassuiaatini erseqqissarpaat.
Aamma Danmarkimi aningaasarsiat qaffanneri malunnarnerugaangata nunatsinni aningaasarsiat qaffanneqarneqarnissaannik kimigiiserneq sakkortunerusartoq misilittagaavoq.