Naalagaaffik aqqartartorniarnermi atortussanik piseqqittoq
![](/sites/default/files/styles/image_934x467/public/seahawk_2.jpg?itok=z1gCK715)
Illersornissaqarfik USA-mut niuerniaqqippoq, umiarsuarnillu aqqartartunik ujaasinissamut atortorissaarummik piffissami matumani pisisoqarluni.
Atortorissaarutit pisiarineqarrtut 1,3 milliardit koruuneqartut, amerikamiut illersornissaqarfianit allagaatimi allassimavoq.
Danskit pisiarisaat qulingiluat immikkut ittut, qulimiguulinnit nutaanit, Seahawkinit ammut imaanut ninginneqarsinnaapput, immallu ataani aalasunik takussutissiisinnaallutik.
AAMMA ATUARUK Timmisartut malersuutit Kalaallit Nunaanni inissinneqarsinnaanissaat mattunneqanngilaq
Tamatuma saniatigut imartami sonaarip nipaanik tigooraasut puttatinneqarsinnaasut 600-it umiarsuarnik aqqartartunik nassaarsinnaasut pisiarineqarput.
Sakkutuut umiartortut naalagaata qaffasissumik inissisimasup, Torben Mikkelsenip oqarnera naapertorlugu imaani puttatinneqarsinnaasut nutaat Natop Østersømi aamma Nunatta Savalimmiullu imartaata eqqaani russit aqqartartuinik nakkutiginninnermik ukkataqarnerani Danmarkip inissisimaneranut qaffaataassapput.
- Tamatumanik pikkorinnerulernissarput Natop kissaatigaa. Taamaammat atulerutsigit qaffasinnerusumiilissasugut qularnanngilaq.
- Inissisimaffimmi inissisimaffigisimanngisaannarparput, Torben Mikkelsen oqarpoq.
Helikopterer skal have torpedoer i fremtiden
Qumiliguulinni atortorissaarutit ninginneqarsinnaasut ninginneqarsinnaasunut danskit sorsuuteeraasa timitaanni kiisalu ikiorsiinermut umiarsuarni marlunni pioreerusunut ilassutaassapput.
Tamatuma saniatigut imaanut ningittakkat umiarsuit kalissinnaasaat pingasut aqqartartunik nakkutiginninnermut atorneqartussat pisiarineqarput.
Naatsumik oqaatigalugu nangittakkat kalinneqarsinnaasut umiarsuullu timitanut ikkunneqarsinnaasut qulimiliguullit ningeriukkattanik atuillutik umiarsuit aqqartartut sumiinnerannik nakkutiginnissinnaanngussapput.
AAMMA ATUARUK Issittumi Sakkutooqarfiup nutarsarnera Nunatsinnut iluaqutissartaqartoq
Qulimiguulinnilu ningeriukkagaqalernera assigiinngitsutigut iluaqutaassaaq, taamaalilluni umiarsuarnut aqqartartunut sorsuttoqalissagaluarpat tamanna umiarsuarmit miffiusartumit pisinnaavoq.
Naak danskit atortorissaarutinik pisinissaa USA-p akuerereeraluaraa pisiat qaqugu tunniunneqassanersut suli ilisimaneqanngilaq.
Aammattaaq Seahawkit torpedossaat qaqugu tunniunneqassanersut suli ullulerneqanngilaq.
AAMMA ATUARUK Amerikamiut Issittumi sakkutuui amerlissapput