Assi: KNR/Anton Gundersen Lihn

Naalagaaffeqatigiit pillugit ilisimasaqarnerulernissaq Danmarkip aningaasaliiffigigaa

Kalaallit Nunaanni, Savalimmiuni Danmarkimilu inuusuttut Naalagaaffimmit aningaasaliisoqarneratigut nunat taakku akornanni angalasinnaanngussapput.

Tassa Naalagaaffeqatigiinni suleqatigiissitaliat inerniliussaasa ilaat. Inuusuttut Naalagaaffeqatigiit pillugit ilisimasaqarnerulernissaat siunertaavoq. Statsministerip allattoqarfia tusagassiutinut taama nalunaaruteqarpoq.

AAMMA ATUARUK Naalagaaffeqatigiinnermut qaammasaqarnerulerneq, kiffaanngissuseqarneruneq Færingehavnimilu saliinissaq

Aningaasat katillugit 25 millionit koruunit suliniutinut assigiinngitsunut ukiuni tulliuttuni sisamani aningaasaliissutigineqarput, paasisassarsiorluni angalanissamut, højskolersinnaanissamut, piviusulersaarutinik filmiliornermut, ingerlaqqiffiusunilu ilinniarfinni specialeliornerni unammisitsinernut aningaasaliisoqassalluni

Kalaallit Nunaanni, Savalimmiuni Danmarkimilu inuusuttut nunani pineqartut kulturiat oqaluttuarisaanerallu pillugu ilisimasaqarnerulernisssaat, Naalagaaffeqatigiit Savalimmiuni ukioq manna juunimi ataatsimiinnerminni, Naalakkersuisut siulittaasuat, Savalimmiuni lagmandip statsiministerillu isumaqatigiissutigaat.

AAMMA ATUARUK Danskit nunasiaateqarnerup nalaa pillugu ilisimasakippallaarput

- Inuusuttut nunat pingasut taakku akornanni angalasinnaalernissaat sunniuteqangaatsiassasoq isumaqarpunga. Isummat pigiliutiinnakkat ilisimasaqarnerulernikkut nungusassavagut, ataatsimoornerulissallutalu statsminister Lars Løkke Rasmussen oqarpoq.

Aningaasat suliniutinut assigiinngitsunut atugassat Danmarkimi Kultureqarnermut ministereqarfimmut, Atuartitaanermut, Ilinniartitaanermut Ilisimatusarnermullu ministereqarfimmut qinnutigineqarsinnaapput.

AAMMA ATUARUK Ilinniarnertuunngorniat kattuffiat nunarput pillugu Danmarkimi atuartunut paasititsiniaaniartoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat