- Oqarasuaatikkut oqaloqatigiinnermi tusarnaarneqarsinnaannginnissaq qulakkeerneqanngilaq, taamaattumik oqarasuaatikkut oqaluuserineqarsinnaasut erseqqissumik killeqarput. Jeppe Kofoed Jylland-Postenimut taama oqarpoq.Assi: KNR

Naalagaaffeqatigiinni naalakkersuisut akornanni qulakkiikkamik toqqaannartumik attaveqatigiiffeqanngilaq

Attaveqatigiiffeqanngilaq, Kalaallit Nunaanni, Savalimmiuni Danmarkimilu aalajaangiisartut imminnut tatigeqatigiillutik oqaloqatigiittarfeqanngimmata, nunat allat pissaanilissuit soorlu Kina, Rusland aamma USA tusarnaarsinaanissaat qulakkeerneqarani.

Aviisip Jyllands-Postenip aallaaserisaa naapertorlugu pissutsit taamaapput, naak Issittoq Danmarkip isumannaallisaanermut politikimini unammilligassat annerpaartaattut tikkuarsimagaluaraa.

Qarasaasiakkut attaveqaatit oqarasuaatillu isumannaallisarneqarnerat Danmarkip nunani allani aallartitaqarfiinni ambassadeni pigineqartut Kalaallit Nunaani Savalimiunilu qulakkeerneqarsimannginnerat politikerinit immikkullu ilisimasalinnit tupaallaatigineqarput.

AAMMA ATUARUK Immikkut ilisimasalik: Issittumi nakkutiginninnissamut milliardinik atuiniarneq isumatsialaavoq

Nunanut allanut tunngasunut ministerip JJeppe Kofoedip uppernarsarpaa, attaveqatigiinnermut tamanna aporfiummat imaannaanngitsoq.

- Oqarasuaatikkut oqaloqatigiinnermi tusarnaarneqarsinnaannginnissaq qulakkeerneqanngilaq, taamaattumik oqarasuaatikkut oqaluuserineqarsinnaasut erseqqissumik killeqarput. Jeppe Kofoed Jylland-Postenimut taama oqarpoq.

Attaveqaatit ammaannartut pissutigalugit, danskit naalakkersuisuisa nunanut allanut politikkimik pilersaarusiornerannut Kalaallit Nunaata Savalimmiullu peqataatinneqarnissaannut aporfiusut, ministerip tikkuarpaa.

AAMMA ATUARUK Savalimmiormiut Huaweimut oqallisaangaatsiartumut qaninniartut

Taassuma ilanngullugu nalunaarutigaa, attaveqatigiittarfimmik imaluunniit oqaloqatigiitarfimmik qulakkiikkamik pilersitsinissamik danskit naalakkersuisut suliaqarmata.

- Teknikkikkut attaveqatigiiffimmik pisariaqartinneqartumik pilersitsiniarneq sivisuvoq,

Jeppe Kfoed oqarpoq, taassumalu nalunaarutigaa, oqaloqatigiittarfik aappagu upernaakkut atulersinnaassasoq.

Nuummi Tórshavnemilu atorfillit paasissutissanik isertugaatinik Danmarkimik oqaloqateqarniaraangamik Nuummi Tòrshavnimilu Issitumi sakkutooqarfiliartariaqartarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat