Naalagaaffeqatigiinneq pillugu piviusulersaarusiornermut 10 millionit aniningaasaliissutigineqartut
Naalagaaffeqatigiinnermi nunanut taakkulu imminnut qanoq ataqatigiinnerannut ilisimasaqarnerunissaq patajaallisaarniarlugu aningaasaateqarfimmut Norddokimik taaneqartumut ikineqarput.
Naalagaaffeqatigiit siorna juunimi ataatsimiineranni Naalakkersuisut siulittaasuannit, ministeriunerup aamma Savalimmiut lagmandiata isumaqatigiissutaannut aningasaateqarfik ilaatinneqarpoq.
AAMMA ATUARUK Naalagaaffeqatigiit pillugit ilisimasaqarnerulernissaq Danmarkip aningaasaliiffigigaa
Isumaqatigiissutip ilassutaatut qallunaat aningaasaqarnermut inatsisaanni 25 milliuunit koruunit inuusuttut naalagaaffeqatigiinnermik paasisaqarnerulernissannut atugassat immikkoortinneqarput.
Aningaasaateqarfiup Norddok imaani 8 milliuunit koruunit aningaasaqarnermut inatsimmeersuupput, taavalu sinneruttut 2 milliuunit koruunit licensinut akiliutaasut sinneqqartoorutaanneersuullutik.
AAMMA ATUARUK Naalagaaffeqatigiinnermut qaammasaqarnerulerneq, kiffaanngissuseqarneruneq Færingehavnimilu saliinissaq
Aningaasaateqarfiup imarisai ukioq manna atorneqassapput naalagaaffeqatigiinnilu nunanit tamanit qinnutigineqarsinnaallutik. Kisianni Danmarkimit qinnuteqartut suliniumminni kalaallinik imalunniit savalimmiormiunik suleqateqassapput.
Aningaasaateqarfimmut qinnuteqartut aaqqissuisunit isummerfigineqassapput, taakku tassaassapput Kalaallit Nunaanniit marluk, Savalimmiuniit marluk Danmarkimiillu ataaseq.