PITUFFIK MT Højgaardip Pituffik pillugu suliaq eqqartuussivimmut suliassanngortikkaa

Aviisi Børsen ullumi taama allaaserisaqarpoq.

Pituffimmi kiffartuussinissamik isumaqatigiissummik siorna suliariumannittussarsiuussinnerup ingerlasimanerata nassuiaateqarfigineqarnerata kingorna naammagittaalliorput. Greenland Contractorsillu nassuiaat taanna sakkugalugu danskit entreprenøritut suliffeqarfiat Per Aarsleff A/S assingalugu eqqartuussivimmut amerikap naalagaaffianik naammagittaalliuuteqartarfimmut suliaq suliassanngortippaa.

AAMMA ATUARUK MT Højgaardip Pituffimmi kiffartuussiunnaarnini annertuumik annaasaqaatigissavaa

Tamanna pivoq, naak suliassaq suliffeqarfimmut amerikamiunit pigineqartumut Exelis Servicesimut tunniunneqarnera amerikami naalagaaffiup kukkunersiuisuinit februaarip qaammataani akuerineqaraluartoq.
 
- Pituffik pillugu isumaqatigiissummi danskinit kalaallinillu atuinissamik immikkut piumasaqaataasut eqqartuussivimmit isiginiarneqarnerunissaat ilimagaarput, Greenland Constractors I/S-ip pisortaanera Peter Kofoed taama oqarpoq.
 
Suliffeqarfik Pituffimmi sakkutooqarfimmi ukiuni 40-ni kiffartuussereerluni kiffartuussinissamik isumaqatigiissut ukiaq annaavaa.

AAMMA ATUARUK Per Aarsleff A/S-ip Pituffiup aalajangiiffigineqarnera suliassanngorteqqikkaa

AAMMA ATUARUK Namminersorlutik Oqartussat Pituffik pillugu suliamut mianersoqquneqarsimapput