PITUFFIK Per Aarsleff A/S-ip Pituffiup aalajangiiffigineqarnera suliassanngorteqqikkaa
Entreprenøritut suliffeqarfiup Per Aarsleff A/S-ip USA-p Pituffik pillugu aalajangiinera eqqartuussivimmut qullasinnerusumut suliassanngorteqqippaa.
Allattoq Helle Nørrelund Sørensen
marsip 05-at 2015 06:51
Nutserisoq Simon Uldum -
Pituffimmi sakkutooqarfimmi kiffartuussinissamik isumaqatigiissut pillugu suliaq allamut saatsinneqarpoq. Entreprenøritut suliffeqarfik Per Aarsleff A/S, kiffartuussinissamik isumaqatigiissutip aalajangiiffigineqarnera assortuussutaasoq suliassanngorteqqinniarlugu nalunaaruteqarpoq.
USA-p aamma Kalaallit Nunaata Danmarkillu akornanni illersornissamik isumaqatigiissutip USA-mit malinneqarsimannginnerata naammagittaalliuutigineqarneranik Amerikami naalagaaffiup naammagittaalliuteqartarfiata GAO-p itigartitsinera USA-mi eqqartuussivimmut immikkut ittumut Court of Federal Claimsimut suliassanngorteqqinneqarpoq. Eqqartuussivik taanna Amerikap naalagaaffianit taarsiiffigineqarnissamik piumasaqaatinik suliaqartuuvoq.
AAMMA ATUARUK GC: Pituffik pillugu suliamut mianersoqquneqarsimanngilagut
- Illersornissamik isumaqatigiissummi aammalu isumaqatigiissutip suliariumannittussarsiuunneqarnerani siunertarineqartoq erseqqippoq, tamannali amerikami naalagaaffiup naammagittaalliuteqartarfiata aalajangiinermini malissimanngilaa. Taamaammat Amerikami eqqartuussivinnut suliassanngorteqqipparput, Per Aarsleffimi pisortaaneq, Ebbe M. Iversen, Finans.dk-mut taama oqarpoq.
AAMMA ATUARUK Namminersorlutik Oqartussat Pituffik pillugu suliamut mianersoqquneqarsimapput
Suliffeqarfiit Per Aarsleff A/S-ip, Copenhagen Arcticip aammalu Greenland Contractorsip Namminersorlutik Oqartussanit MT Højgaardimillu pigineqartup, suliariumannittussarsiuussinerup inernera decembarip qaammataani naammagittaalliuutigaat - taperserneqaratilli. Finans.dk naapertorlugu, suliffeqarfissuit allat marluk aalajangiineq suliassanngorteqqissanerlugu suli isummerfigisimanngilaat.