Mittarfiup quasannera timmisartuussinissanik unittoortitsisoq
Mittarfisuup quasannera pissutigalugu Nuummut timmisartuussinissat arlallit marlunngornermi ullaakkut taamaatiinnarneqarput – taakkununnga Nuup Københavnillu akornanni timmisartuussisussaq Tuukkaq ilanngullugu.
Taama Air Greenland tusagassiutinut nalunaarummini allappoq.
Ullorulerneranili mittarfissaq piareerpoq, tmmisartuutileqatigiiffiullu timmisartuutaa Jettime kinguaattooraluarluni aallarsinnaanngorpoq.
Ualimut sakkortuumik anorlerlunilu apinissaa aarlerisaarutigineqarmat ajuusaarnartumik taamak pisoqarnera allanngussangatinneqanngilaq.
Timmisartut aallarsinnaanngitsut
Timmisartunik aallarsinnaajunnaarnissaq pinngitsoortinniarlugu timmisartuussinissat tamaasa ualimut Air Greenlandip taamaatippai.
Timmisartuussinissanik allanngortitereqqinneq ilaasussanit naatsorsuutigineqarsinnaavoq, timmisartuutileqatigiiffilli ilaasussanut eqqugaasunut angalanissaannik allanngortiteripput, pilersaarutit nutaat kingusinnerpaamik ullumi nal. 15.00 nassiussuunneqassasut naatsorsuutigineqarpoq.
Paasissutissanik nutaanik saqqummertoqallattaassammat Air Greenlandip nittartagaatigut malinnaanissaannik angalasussat kajumissaarpai.
