Mittarfik pillugu siunnersuut Ittoqqortoormiini ernumalersitsisoq
![](/sites/default/files/styles/image_934x467/public/article_images/ittoqqortoormiit_greenland_travel.jpg?itok=zlkduPNp)
Tunumi illoqarfiit annersaata tulliani innuttaasut arlallit ukiuni arlertuni Ittoqqortoormiini mittarfiliornissaq sorsuutigaat.
Taassuma Nerlerit Inaanni mittarfik, illoqarfimmit 40 kilometerinik ungasitsigisumiittoq taarsissvaa, Ittoqqortoorminilu ineriartornermik pilersitsilluni, Erik Pedersen, Mittarfiliornissamut suleqatigiit oqaaseqartuat oqarpoq.
- Taanna suliffeqarfittut nalinginnaasutut, inuit sulereerlutik toqqaannartumik angerlarlutik qimattagassaattut issaaq.
Helikopterernissallu sipaarneqartarnissaa pissutigalugu billetit annertuumik sipaarfiusarneratigut, takornariartitsinermik inerisaanissamut uatsinnut periarfissiissaaq.
Taamamammallu danskit suliffeqarfiata Tunumi silaannakkut angallannerata tamarmi Illersornissaqarfiup Mestersvigimi mittarfeeqqamut katersornissaanik siunnersuuteqarnerat aarlerinarpoq.
Taamatut kissaateqarneq suliffeqarfiup Integra A/S-ip tassannga timmisartunik inuttaqanngitsunik aallartitsisarnissap periarfissaqarluarneranik oqareersut pivoq.
Najugaqartulli tikeraallu Ittoqqortoormiinukarnerminni suli ungasinnerusumik timmisartortalernissaat tamatuma nassatarissavaa.
- Tamanna illoqarfimmik inuerutsitsissasoq isumaqatigiissutigilluinnarparput. Mestersvig Ittoqqortoormiit avannaani 205 kilometerisut ungasitsigisumiippoq, taamaalillunilu timmisartortarneq 400 kilometerimik annertusissaaq.
Taamaaliornikkullu billetit akikinnerulernavianngillat.
Innuttaasulli taarsiullugu Mestersvigimut taarsiullugu Ittoqqortoormiini ataatsimoorussamik mittarfeqalernissaq ornigineruaat.
- Taavani suliarineqartut maani katersorneqarnissaat kissaatigineruarput, taamaalilluta assersuutigalugu Siriusumik sullissineq aamma maannga ingerlanneqalersillugu. Inuit timmisartunik inuttaqanngitsunik isumaginnittussat aamma sullissinnaavagut.
Ittoqqortoormiini 650 meterisut takitigisumik mittarfeqalernissaanut periarfissaq Naalakkersuisut oqaloqatigiissutigisimavaat. Mittarfiliornissamulli suleqatigiit aalajangiisussaasuuppata, timmisartut annerusut tassunga missinnaaqqullugit, mittarfik minnerpaamik 1.000 meteri pisariaqartinneqarpoq.