Mittarfeqarfiit unammillerneqassanngillat

Nuummi Ilulissanilu timmisartunut mittarfiit tallineqarnerat Qaqortumilu mittarfiliorneq naammassineqarpata timmisartunut mittarfinnut allanut unammilernissaq Kalaallit Airportimit siunertarineqanngilaq. 

Mittarfiit ingerlanneqarneranni  Mittarfeqarfiit suleqatigineqarnisaat naatsorsuutigineqarpoq, timmisartunut qulimiguulinnullu mittarfiit ingerlanneqarnerat Mittarfeqarfiit isumagimmatigit. 

- Mittarfiliussaagut aningaalersorneqarnissaannullu pissarsiniassaagut ataqatigiissillugillu tamatumalu kingorna ingerlanneqarnerat suleqatigiissutigisinnaavagut suliariumannittusarsiuullugillu, Kalaallit Airportsip siulersuisuini siulittaasoq, Leo Larsen,  oqarpoq.

Taassuma ilanngullugu erseqqissaatigaa, suliffeqarfiup allap mittarfiliortitsineq isumagisinnaagaa. 

- Sanaartussavagut piginneqatigiiffimmullu ataatsimoortikkaani isumatusaarnerussaaq. Tamanna misilittagaqarfigilluarparput, soorlu De Danske Broselskabemi suliffeqarfigissanni nalunngilara. Mittarfiit ingerlanneqarnerannut nutaamik assinganik suliffeqarfiliornissaq takorloorsinnaanngilarput, Leo Larsen Kalaallit Airportsimeersoq KNR-imut oqarpoq. 

Aamma atuaruk Kalaallit Airports Nuummiittumik pisortartaarniarpoq

Aamma atuaruk Mittarfinnik talliliinissaq qanilliallattoq