Kalaallit Airports Nuummiittumik pisortartaarniarpoq
- Piginneqatigiiffimmi immikkuualuttuni akuliuttussaanngikkaluarlutik, piginnittut tamani aalajangiisuunerat pingaaruteqarpoq, Kalaallit Airportsimi siulersuisuni siulittaasoq Leo Larsen oqarpoq.
Jákup Kass piginneqatigiiffimmik aallartisaanermi pisortanngorallarpoq, Savalimmiunili mittarfimmi Vagarimi taanna pisortatut atuuffeqarmat siulersuisut piginneqatigiiffimmut ingerlatsisussamik ataavartumillu pisortaasussamik allamik pissarsiussapput.
Aamma atuaruk Mittarfinnik talliliinissaq qanilliallattoq
Pisortassatulli piukkunnartumik suli nassaanngillat.
- Sanaartugassanut tunngasunik ilisimasaqartumik misilittagaqartumillu nassaarutta pitsaassaaq, pisortassalli sunik piginnaasaqartuunissaa suli aalajanginngilarput, Leo Larsen oqarpoq.
Siulersuisut ataatsimiinneranni Aviaja Lyberth Lennert siulittaasup tulliatut toqqarneqarpoq, Leo Larsenilu naapertorlugu siulersuisut Nuummi najugalimmik ilaqarnissaat pingaaruteqarpoq.
Aamma atuaruk Ingerlatseqatigiiffiit nunani allamiut pingasut mittarfiliornissamut aningaasaleerusuttut
- Københavnimi najugaqarama pingaartilluinnarpara siulersuisut Nuummi Namminersorlutik Oqartussat qanillugit sinniisoqartuarnissaat.
Qullersaqarfissaq inuttalerneqariarpat suliassat teknikkimut tunngasut niuerfiusinnaasullu taavalu minnerunngitsumik mittarfissat qanoq aningaasalersorneqarsinnaaneri misissorneqaqqaassapput.
Nuummilu mittarfiup tallineqarnerata naammassineqarnissaa apeqqutaaginnalerpoq.
- Eqqoriaaginnarneruvoq, kisianni neriuutigaarput 2020-p naalernerani.
Aamma atuaruk Mittarfilioqatigiittussanut aningaasaliissutissat akuersissutigineqarput