Najugarisani oqartussaaqataanerup qularnaarneqarnissaa siunertaralugu Nuup, Paamiut, Ammassallip Ittoqqortoormiit
Ivittuullu kattunissaannut atatillugu Nuummi kommunalbestyrelsi kommunerujussuassami innuttaasut inuuniarnikkut assigiiaarnerusumik atugaqarnissaannut misissuinissamut immikkut atorfinitsinissamut aningaasaliissuteqarpoq, Nuup borgmesteria Agnethe Davidsen oqarpoq:
- 2 millioni koruuninik immikkoortitsivugut. Kommunerujussuanngortussat iluminni isumaginnittoqarfiup tungaatigut, teknikkimut avatangiisillu tungaatigut, taavalu aamma meeqqanut kultureqarnerullu tungaatigut, suliffissaqartitsiniarnerup tungaatigut immikkoortortat qanoq ilusilersorneqassanersut paaserusupparput, Agnethe Davidsen oqarpoq, nangilllunilu:
- Taakkua aallaavigalugit allattussanik pilersitsinissatsinnut atugassanik aningaasanik immikkoortitsivugut, Agnethe Davidsen oqarpoq.
Kommunit kattussuunnissaat pillugit annertunerusumik tusagaqarusukkuit, knr naggat gl titarneq uingasoq Itisiliineq alakkaruk, tassanilu Itisiliineq tusarnaarlugu.
