Polar Seafood: Miki Brøns Anders Brønsip inissisimaffianut pissaaq
Pilersitseqataallunilu piginneqataasup Anders Brønsip tallimanngornermi kingullermi toqoriataarnerata kingorna Polar Seafoodip siunissaa qulakkeerneqarpoq.
Polar SeafoodIp siulersuisuini siulittaasoq, Henrik Leth tusagassiutinut allappoq, Miki Brøns ataatami Anders Brønsip inissisimaffianut pissasoq.
AAMMA ATUARUK Brønsip toqunera ajunaarnerusimagunartoq
- Miki Brønsip Anders Brønsip Polar Seafood Greenland A/S-imi aamma Polar Seafood Denmark A/Simi siulersuisunik inissisimaffii tigussavai. Toqunerata kingorna aaqqitassat aaqqippata, aaliangerneqareersimavortaaq, Mikip Polar Seafood Denmark A/S-imi piginneqataassutsit pigilissagai, Henrik Leth allappoq.
Siulersuisut siulittasuat aamma allappoq, Anders Brønsip toquguni ingerlatsineq sunnnerneqaqqunagu, testamentimini qanoq kingornsusssiqrnissaa allassimagaa.
AAMMA ATUARUK Anders Brøns Polar Seafoodimi piginneqataasoq toqukkut qimaguttoq
- Anders siunissamut isigaluni eqqarsartartuusoq nalunngilarput, ilisarnaatigisaasalu ilagivaat suliffeqarfiup piffissaalluartillugu siunissaanik eqqarsaateqareersimanera, Henrik Leth allappoq.
Jens Friis Sallingillu Andersip pisortaanertut inissisimanera taarsiilluni tigussavaa.