Politiit: Brønsip toqunera ajunaarnerusimagunartoq
Polar Seafoodimik pilersitseqataallunilu piginneqataasoq Anders Brøns, Aalborgip umiarsualiviani toqungasoq tallimanngornerup ullaavani nassaarineqarpoq.
Anders Brønsip Polar Seafoodimi ukiorpassuani suleqatini piginneqatigisanilu Jens Salling Alborgimi sisamanngornermi unnukkut nereqatigisimavaa. Unnuup ingerlanerani qimassimapput, Anders Brønsilu kingorna ajutoorsimanissaa ilimanartoq politiit misissuineranni inerniliunneqarpoq.
AAMMA ATUARUK Anders Brøns Polar Seafoodimi piginneqataasoq toqukkut qimaguttoq
- Politiit misissuinerat, nakorsallu toqusumik misissuinerisa takutippaat toqungasoq ajutoornermini ajunaarsimassasoq, Nordjyllands Politi, KNR-imut emailikkut taama ilaatigut allaaserisaqarput.
Pinerluttoqarsimaneranik takussutissaqanngitsoq, Nordjyllands Politimi pigaartup KNR-imut arfininngormat ilisimatitsissutigaa.
AAMMA ATUARUK Anders Brøns tassaavoq angut aallarnisaanermut takorluuisinnaasoq
Politiit misissuinerat taama aamma inerneqarpoq, suliarlu naammassineqartutut politiinit nalilerneqarluni.
Qanigisaasut ilisimatinneqareerput, politiillu suliamut atatillugu sukumiinerusumik oqaaseqaqqissinnaanngitsut, Nordjyllandimi politiit KNR-imut oqaatigaat.
