Eqqaaniut: Anders Brøns tassaavoq angut aallarnisaanermut takorluuisinnaasoq

Polar Seafoodip eqqaaniaannerminut atatillugu taama nalunaarutigaa, Anders Brøns Aalborgimi tallimanngormat unnukkut ipilluni ajunnarpoq.
Anders Brøns 68-inik ukioqarluni toqukkut qimaguppoq.
Allattoq Karsten Sommer, Bikki P. Kleist
decembarip 09-at 2018 15:04

- Anders Brønsip toqukkut qimagunnera alianaannarani aammali suliffeqarfimmut, nunatta aalisarnikkut inuussutissarsiorneranut nunatsinnullu annaasaqaataavoq angisooq, Henrik Leth Polar Seafoodimi siulittaasoq sulisullu sinnerlugit taama eqqaaniaalluni taama allappoq nangillunilu:  

- Anders Brøns suliffeqarfimmut isumassarsiortuullunilu maligassiuisuusimavoq, suliffeqarfimmi inuunermini suliarisimavaa qimagutiaarporlu, nunatsinnimi inuussutissarsiornikkut aallarnisaanikkullu maligassiuisut pisariaqartinneqarput, Anders Brønsilu taamaassimavoq. Tassami siullertut aalisarnikkut ineriartornermi ilisarnaataavoq, inuttullu inuussutissarsiornikkut aqqutissiuusseqataasimavoq, Henrik Leth taama allaaserisaqarpoq.

AAMMA ATUARUK Anders Brøns Polar Seafoodimi piginneqataasoq toqukkut qimaguttoq

- Anders Brøns inuttut malunnaateqarsimavoq, sulisuminit, suleqatigisaminit ikinngutiminiillu maqaasineqassaqaaq - suliniuteqarluarsimaneralu puigorneqanngisaannassaaq, Henrik Leth Polar Seafoodimi siulittaasoq, sulisullu sinnerlugit taama eqqaaniaalluni allappoq.

 

 

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk