Michael Jackson tusaamasanit eqqaaniarneqarpoq

Qularnanngilarlu nipilersukkanik allaaserinnittartut qanoq eqqaaniassanerlugu eqqarsaatersorrapput.

- Soorluli John F. Kennedy toqutaammat, soorluli Elvis Presley toqummat, erinarsortartoq Celine Dion Michael Jacksonip toqunera nutaarsiassaqartitsivikkut CNN-ikkut oqaaseqarfigigamiuk assersuussivoq.

Nunarsuaq tamakkerlugu Michael Jacksonip toqunera oqaaseqaatigineqaqattaarpoq, aanalu inuit pisinnaatitaaffiinik eqqortitsinissanut sorsuuteqartoq Jesse Jackson:

- Pikkorinnermisulli nukittutigaaq, Jesse Jackson Michael Jackson pillugu oqaseqarpoq.

Erinarsortartut Madonna aamma Osha, filimiliaritittartullu Jane Fonda Arnold Schwarzeneggerilu Michael Jacksonip toqunerani oqaaseqaateqarput. Madonna nuannaartorisami Michael Jacksonip toqunera tusarlugulu saammartitassaajunnaarluni qialersimavoq.

Israelimiu taqamut isilik Uri Geller ima oqaaseqarpoq:

- Paatsiveerusimaartuuvoq, kiserliortuullunilu. Qularnanngilarlu paasineqarneq ajornini matoqqasunnguutigisimagaa. Maannali soqutaanngilaq. Qularinngilara qilammiilersoq, nunarsuarmiinnermillu najugarissaarnerulersimasoq.