Ammaanermi oqalugiaat: Mette Frederiksenip nunarput suleqatiginerorusukkaa
![](/sites/default/files/styles/image_934x467/public/20191001-122337-l_38mb.jpg?itok=NLew8Z8O)
![](/sites/default/files/styles/image_934x467/public/article_images/20191001-131147-l_68mb.jpg?itok=J4C6p9Yy)
Danmarkimi ministeriuneq Mette Frederiksen (S) Folketingep ullumi ammarneqarnerani oqalugiarnermini taama oqarpoq.
Taama upernaaq qineqqusaarnerminni aamma nalunaaruteqarpoq.
AAMMA ATUARUK Kalaallit Nunaat nunanut allanut politikkikkut piginnaaneqarnerusariaqarpoq
- Silap pissusiata allanngoriartornerata Issittullu soqutigineqarnerata Savalimmiut Kalaallit Nunaatalu nunarsuarmi tamarmi akuunerulersippai. Savalimmiut Kalaallit Nunaatalu nunanut allanut isumannaallisaanermullu politikkimi oqaasissaqarnerulersinneqarnissaminnut kissaateqartut paasisisinnaavakka.
Ministeriunerli Kalaallit Nunaat Savalimmiullu nunanut allanut politikkimi sutigut qanorlu annertutigisumik oqaasissaqarnerulersinneqarnissaannut tunngasutigut itisiliinngilaq.
Nunalli taakku naalagaaffeqatigiit pingasuusut sorpassuartigut suleqatigiinnerulernissaat kissaatiginerarpaa.
- Nunat naalagaaffeqatigiiusut pingasuuvugut. Inuiaat assigiinngitsut pingasuuvugut. Inuiaqatigeeriaatsit assigiinngitsut pingasuuvugut. Patajaatsumilli aamma ataatsimooqatigiippugut. Tamatta iluaqutigisassatsinnik suliassaqarfitsigut suleqatigiinnissarput kajumissaarutigaara. Danmarkimilu naalakkersuisut Atlantikup Avannaaneersunik suleqateqarnerulernissaminnik – peqataatitsinerusalernissaminnillu – pingaartitsinerat Folketingimi ilaasortanut Atlantikup Avannaaneersunut aamma erseqqissaatigerusuppara.
AAMMA ATUARUK Amerikamiut Issittumi sakkutuui amerlissapput
Ingammillu Danmarkimi naalakkersuisut 5,3 millioner koruuninik 2019-imiinnaq atugassanik Kalaallit Nunaanni meeqqanut tapiissuteqarfigineqartunut tunngasutigut.
Ministeriunerup naalakkersuisut siulittaasuat Kim Kielsen tusarnaariat allat balkonngimi issiasut akornanniittoq qissimippaa. Ilami Kim Kielsenilu Kalaallit Nunaanni meeqqat atugarissaarnerulernissaannut suleqatigiileqqammeruttorpugut, Mette Frederiksen oqarpoq.
- Ajornartorsiutit nunaminni atuuttut pillugit eqqartuinissaminnut kajuminnerulersimasutut ipput. Aamma ajornartorsiutinut ilungersunartunut tunngasutigut. Imminut toqunneq. Atornerluineq. Innarliisarnerit. Kalaallit Nunaata Danmarki Kalaallit Nunaanni meeqqat pillugit suleqatigiinnerunissaminnut kajumissaarnikuuaa. Tamatumunnga akuersivunga. Soorunami akuersivunga! Kalaallit Nunaanni meeqqat inuusuttullu atugarliortut ulluinnarni pitsaanerusumik inuuneqassapput. Siunissamullu neriuuteqassapput, Mette Frederiksen oqaluttarfimmi taama oqarpoq.
AAMMA ATUARUK Kalaallit meerartaasa ikiorneqarnissaat, akissarsiat assigiit nunattalu sammineqarnera