Torben M. Andersen: Ilinniagaqassutsip qaffassarnerata siuariartorneq sukkanerulersissavaa
Torben M. Andersenip Ilisimatusarfiup kantiinaani marlunngormat ualikkut oqalugiarluni ilinniagaqarnissap pingaaruteqarnerata najuuttunut erseqqissaatigimmagu illakusuttoqarpoq.
Aningaasaqarnermut siunnersuisooqatigiinni siulittaasup universitetimi nikorfalluni taama kajumissaarinissaq ajornanngitsuusoq nammineq aamma oqaatigaa.
Torben M. Andersenilli kingorna erseqqissaatigaa nunatta aningaasaqarnerata pitsanngorsarnissaanut ilinniartitaanerpiaq aqqutissat pingaarutillit ilagigaat.
Aningaasaqarnerulli pitsanngorsarnissaanut ilinniartitaanermut suliassaqarfiup iliuuseqarfiginissaa sooq pingaaruteqarpa. Aningaasaqarnermummi siunnersuisooqatigiinni siulittaasup nammineq oqaatigaa nunatta aningaasaqarnera pitsaasumik inissisimasoq.
AAMMA ATUARUK Aaqqissuusseqqinnikkut aaqqiissutissat kinguarsarneqarput
Aningaasaqarnerulli pitsanngorsarnissaanut ilinniartitaanermut suliassaqarfiup iliuuseqarfiginissaa sooq pingaaruteqarpa. Aningaasaqarnermummi siunnersuisooqatigiinni siulittaasup nammineq oqaatigaa nunatta aningaasaqarnera pitsaasumik inissisimasoq.
- Aningaasaqarneq pitsaalluinnartumik inissisimavoq. Pitsaasumik siuariartortoqarpoq, suliffissaaleqisut ikiliartorput akiitsutigullu allatigullu annertunerusumik ajornartorsiuteqarsimanngilaq (nunatta karsianut tunngatillugu, aaqq.) , Torben M. Andersen oqarpoq.
Aningaasaqarnerpulli ingerlarsoraluartoq siuariartornermut aporfissaqarneranik aamma ersersitsivoq, aningaasaqarnitsinnut ingerlalluartumut kigaalaqutaasinnaasumik.
AAMMA ATUARUK Uuttortaasarnissamik piumasaqaatit pingaartut peerneqarsimasut
- Ingerlatat amerlisinnissaannut inuit pisariaqartumik piginnaasallit pigineqanngillat. Tamannalu maanna aporfinngoreerpoq. Atugarissaarnerulli qaffassarnissaanut inuussutissarsiutitigut ineriartortitsinissamik pisariaqartitsiffiusut suli amerlapput inuussutissarsiornerullu aaqqissugaanera siammasinnerulersinneqartariaqarluni , siulittaasoq oqarpoq.
Torben M. Andersenili naapertorlugu aporfigineqartup peernissaanut siuariartornerunissamullu periarfissaqarpoq.
Tamatumanilu ilinniartitaanerup aaqqissuussaanera pingaarutilik uterfigeqqissavarput. Innuttaasummi 17-it sinnerlugit ukiullit 62 procentiisa missaat 2016-imi 10. klassip saniatigut ilinniagaqanngillat.
AAMMA ATUARUK Siunnersuisooqatigiit sakkortuumik isornartorsiuipput
Taamaammat amerlanerusut ilinniagaqartariaqarput. Tamannami siuariartornermut atugarissaarnermullu iluaqutaassammat.
Taamaammat ilinniartitaaneq pingaaruteqaannarani aamma politikkikkut iliuuseqarfigineqarsinnaavoq, aningaasaqarnermut siunnersuisooqatigiit siulittaasuat oqarpoq.
- Tamatuma suliniuteqarfiginissaa pisariaqarluinnarpoq. Atuarfinnut sinaakkutissat kisiisa pineqanngillat. Siumut saatsitsiniassagaanni tunngaviusumik ingerlatassat meeqqat atuarfianni siusinnerusumiluunniit aallartinnissaat aamma pineqarput , Torben M. Andersen taama oqarpoq.
AAMMA ATUARUK Aningaasaqarnermut Siunnersuisoqatigiit isumasioqatigiilersut
Naalakkersuisullu nutaanngornerini qinerseqqinnissamullu ukiut sisamaatillugit aalajangiinissamut periarfissaqarpoq. Aammami iliuuseqarfiginissaanut piffissanngorpoq, Torben M. Andersen taama oqarpoq.
Maannami iliuuseqarfigineqanngippat, taava ukiut 5-10-15-it qaangiuppat ajornartorsiutit taakkorpiaat aamma eqqartussavagut, taamaammat iliuuseqarfiginissaanut maanna piffissanngorpoq
