Politikki

Qinersineq 2014 Meeqqat sumiginnakkat

Kalaallit Nunaanni meeqqat sisamaagaangata ataaseq sumiginnagaasarpoq. Ataataasoq anaanasorluunniit ullut tamaasa aalakoortartoq meeqqat amerlanerpaartaasa misigisarpaat.

Det er desværre langt fra alle børn, der er så glade som disse.

Allattoq Walter Turnowsky

novembarip 18-at 2014 12:13

Niviarsiaqqallu sisamaagaangata ataaseq inersimasumit kinguaassiuutitigut atornerlugaasimanini oqaluttuarisarpaa. Inuussuttullu sisamaagaangata ataaseq imminornissaminik eqqarsaateqartarsimavoq, 18 procentiisalu imminoriarsimallutik.

Kisitsisit taakku Inatsisartunut qineqqusaarnermi KNR TV-kkut Radiokkullu unnugu aallakaatinneqartussami eqqartorneqassapput.

Aamma atuaruk Ilimmarfiup isornartorsiuineq akissuteqarfigaa

Ajornartorsitit tamakku ukiuni kingullerni iliuuseqarfiginiarneqartarsimapput. Meeqqanut sumiginnagaasimasunut suliniutinut aningaasat immikkoortinneqartartut amerliartorsimapput, immikkullu ilisimasalinnit sullissinerit amerliartorlutik. Meeqqalli ajornartorsiuteqartut ikiliartunngillat, akerlianilli pisoqarluni.

Meeqqat sumiginnagaasimasut ikilisinneqarnissaannut qanoq iliuuseqarsinnaanissaq, Inatsisartunut qineqqusaartut unnugu oqallisigissavaat.

Aamma atuaruk Tarnip pissusaanik ilisimasalik: Nalunaarusiornerit naammaleqaat

Kalaallisut toqqaannartumik arfineq-pingasunut qiteqquppat, tassa 19:30, aallakaatitsineq aallartissaaq, qallunaatullu qulingiluaniit aallakatitsisoqassalluni.

Kalaallisut qallunaatullu aallakaatitat toqqaannartumik KNR TV2-kkut aamma nutserneqassapput.