Meeqqat qinngasaarisarnerat atugaasorujussuuvoq
Qinngasaarisarnerup atugaanerujussua qarsaasiakkut attaveqatigiittarfinni aamma atugaaqisoq, nalunaarusiami ilisimatuussutsikkut misissuisarfiup HBSC-ip Kalaallit Nunaanni immikkoortortaqarfiata suliaani saqqummiunneqaqqammersumi atuarneqarsinnaavoq.
Aamma atuaruk Meeqqat 1001-it ikiortikkumasut
Ilisimatuussutsikkut misissuisarfiup HBSC-ip siusinnersukkut misissuineranit paasineqarpoq meeqqat atuarfiini meeqqat qinngasaarisarnerat ajornartorsiutaasoq.
Anitsiartarfinni qinngasaarineqarneq kisimi atugaanngilaq.
Qarasaasiakkut attavigiitarfinni Facebookimi aamma Instagramimi qinngasaarisarneq atugaasorujussuuvoq aamma meeqat amerlasuut oqarasuaatikkut angallattakkakkut allalluni qinngasaarisarneq atugaasorujussuulluni.
Aamma atuaruk Ilulissani ukiorpasuarni akerariinneq unitsinniarneqalerpoq
Misissuinermi paasineqarpoq, kalaallit nunaanni meeqqat pingasorarterutaat qarasaasiakkut attaveqatigiittarfinni qinngasaarisarisartut taakkualu qulerarterutaat qaammatip ataatsip ingerlanerani qinngaarsaarneqartartut.
- Qarasaasiakkut attaveqatigiittarfinni qinngasaarisarneq pillugu meeqqat siullermeersumik aperineqarput atugaanerussuallu tupaallaatigaarput, Birgit Niclasen naalagaaffip innutaasut peqqissussaanik misissuisarfimmi ilisimatooq aamma nakorsaq meeqqat qinngasaarisarnerat pillugu misissuinermi aqutsisuusoq oqarpoq.
Naatsorsukkamit atugaanerusoq
Ilisimatuussutsikkut misissuinerit HBSC-imit siusinnerusukkut saqqummiunneqartut takutippaat, Kalaallit Nunaanni meeqqat atuarfiini qinngasaarisarnerit nunanut allanut sanilliullugit atugaanerusut, naatsorsuutigisimanngikkaluarparpulli qarasaasiakkut attaveqatigiittarfinni qinngasaarisarnerup taama atugaatinissaa.
- Meeqqat meeraqatitik qinngasaarniarunikkit atortut periarfissarititaasut atorlugit qinngaarsaarisarput Birgit Niclasen misissuistsinermi aqutsisoq oqarpoq.
Aamma atuaruk Meeqqat qarasaasianik atuisarnerat misissuiffigineqalersoq
Misissuisitsinermit nalunaarusiami atuarneqarsinnaavoq, nukappiaqqat niviarsiaqqallu qinngasaarisarnerat assigiinngissuseqartoq.
Niviarsiaqqat amerlanerit qarasaasiakkut attaveqatigiittarfinni qinngasaarisarput.
Piffissaq sivisunerusoq isigalu ajortunik kinguneqarsinnaavoq
- Qarasaasiakkut attaveqatigiittarfinni qinngasaarisut kikkuuneri imaluunnit kinaanera paasineqarsinnaajunaarneq ajorput.
Tamaaaliortoqarnera qununarnerusut misiginarnerusarluni.
Taamaattumik ajornartorsiut pillugu angajoqqat atuarfillu eqqumanerusariaqarput. Qinngasaarisarneq qinngasaarneqartumut piffissaq sivisunerusoq isigalu ajortunik kinguneqarsinnaavoq, Birgit Niclasen oqarpoq.
Nalunaarusiami meeqqat 1900-it apersorneqarput.